February 27, 2022
February 27, 2022
ഡൽഹി : ഭാരതീയ ജനതാ പാർട്ടിയുടെ ദേശീയ അധ്യക്ഷനായ ജെ.പി. നദ്ദയുടെ ഔദ്യോഗിക ട്വിറ്റർ അക്കൗണ്ടിൽ യുക്രൈന് പിന്തുണ അഭ്യർത്ഥിച്ച് പോസ്റ്റ് പ്രത്യക്ഷപ്പെട്ടു. റഷ്യയുടെ ആക്രമണം നേരിടുന്ന രാജ്യത്തെ സഹായിക്കാൻ ക്രിപ്റ്റോ കറൻസികൾ ദാനമായി നൽകണമെന്നും പോസ്റ്റിൽ പറയുന്നു.
യുക്രൈൻ ജനതയ്ക്ക് ഒപ്പം നിൽക്കണമെന്ന സന്ദേശമുള്ള ഈ പോസ്റ്റിന് പിന്നാലെ, റഷ്യയെ അനുകൂലിച്ചുകൊണ്ട് അടുത്ത പോസ്റ്റും പ്രത്യക്ഷപ്പെട്ടു. തന്റെ അകൗണ്ട് ഹാക്ക് ചെയ്യപ്പെട്ടതാണെന്നും യഥാർത്ഥത്തിൽ റഷ്യയെ ആണ് സഹായിക്കേണ്ടതെന്നും രണ്ടാം പോസ്റ്റിൽ പറയുന്നു. ഇംഗ്ലീഷിലും ഹിന്ദിയിലുമായി എഴുതപ്പെട്ട ഈ പോസ്റ്റുകൾക്ക് നദ്ദ വിശദീകരണം നൽകിയിട്ടില്ല.