March 24, 2022
March 24, 2022
മനാമ : ബഹ്റൈനെതിരായ സൗഹൃദ ഫുട്ബോൾ മത്സരത്തിൽ ഇന്ത്യക്ക് തോൽവി. ഷെയ്ഖ് അലി ബിൻ മുഹമ്മദ് അൽ ഖലീഫ സ്റ്റേഡിയത്തിൽ നടന്ന മത്സരത്തിൽ, ഒന്നിനെതിരെ രണ്ട് ഗോളുകൾക്കാണ് ആതിഥേയർ ഇന്ത്യയെ കീഴടക്കിയത്.
മത്സരത്തിന്റെ തുടക്കം മുതൽ ആക്രമിച്ചുകളിച്ച ബഹ്റൈന് ഏഴാം മിനിറ്റിൽ തന്നെ പെനാൽറ്റി കിക്കിലൂടെ മുന്നിലെത്താൻ സുവർണ്ണാവസരം ലഭിച്ചെങ്കിലും, ഇന്ത്യൻ ഗോൾകീപ്പർ ഗുർപ്രീത് സിങ് പെനാൽറ്റി രക്ഷപ്പെടുത്തി. എന്നാൽ, ആദ്യപകുതിയിൽ തന്നെ ബഹ്റൈൻ ലീഡ് നേടി. 37 ആം മിനിറ്റിൽ മുഹമ്മദ് യൂസുഫാണ് വലകുലുക്കിയത്. രണ്ടാം പകുതിയിൽ രാഹുൽ ഭേക്കെയിലൂടെ ഇന്ത്യ ഒപ്പമെത്തിയെങ്കിലും, മത്സരം അവസാനിക്കാൻ നിമിഷങ്ങൾ മാത്രം ബാക്കി നിൽക്കെ മഹ്ദി ഹുമൈദാൻ നേടിയ ഗോളിലൂടെ ബഹ്റൈൻ വിജയമുറപ്പിച്ചു. മാർച്ച് 26 ന് ബെലാറസിനെതിരെയാണ് ഇന്ത്യയുടെ അടുത്ത മത്സരം.