NewsRoomme, Latest Malayalam Qatar News Online From Newsroomme.com. Get Latest Malayalam Audio News on your mobile

Breaking News

പാസ്പോർട്ട് സേവനങ്ങൾക്കും വ്യാജനുണ്ട്,ജാഗ്രതാ നിർദേശവുമായി ഇന്ത്യൻ വിദേശകാര്യ മന്ത്രാലയം | ഷാർജയിൽ കെട്ടിടത്തിൽ നിന്ന് വീണ് പരിക്കേറ്റ ആലപ്പുഴ സ്വദേശി മരിച്ചു | പരിക്ക് കാര്യമാക്കുന്നില്ല,ഖത്തർ ദേശീയ ദിനത്തിൽ ലുസൈൽ സ്റ്റേഡിയത്തിൽ എംമ്പാപ്പെ ബൂട്ടണിയും | ഖത്തർ ദേശീയ ദിനാഘോഷം പ്രമാണിച്ച് ഒ.ഐ.സി.സി ഇൻകാസ്‌ ഖത്തർ മലപ്പുറം ജില്ലാ കമ്മിറ്റി സൗജന്യ മെഡിക്കൽ ക്യാമ്പ് സംഘടിപ്പിക്കുന്നു | അവധിക്കാലം ആഘോഷിക്കാൻ ഖത്തറിൽ നിന്ന് നാട്ടിലേക്ക് പോകുന്നുണ്ടോ,യാത്ര സുഗമമാക്കാനുള്ള നിർദേശങ്ങളുമായി വിമാനത്താവളം അധികൃതർ | ഖത്തറിൽ നിന്നും അവധിക്കായി നാട്ടിലെത്തിയ ചാവക്കാട് സ്വദേശി നിര്യാതനായി | അയൽപക്കത്തെ ലോകകപ്പിന് ഖത്തറിന്റെ അഭിനന്ദനം,ആശംസയറിയിച്ച് ഖത്തർ അമീറും ഭരണാധികാരികളും | കുവൈത്തിലെ പ്രവാസികൾക്ക് സന്തോഷ വാർത്ത,കുടുംബ സന്ദർശക വിസയുടെ കാലാവധി മൂന്ന് മാസമായി ഉയർത്തും | സന്ദർശകരെ കാത്ത് ഖത്തർ മാനത്ത് വർണവിസ്മയം,അഞ്ചാമത് ബലൂൺ ഫെസ്റ്റിവലിന് കത്താറയിൽ തുടക്കമായി | ഇനി നടന്നോളൂ,ലോകത്തിലെ ഏറ്റവും ദൈഘ്യമേറിയ ശീതീകരിച്ച ഔട്ട്‌ഡോർ നടപ്പാതയുമായി ഖത്തറിൽ റൗദത്ത് അൽ ഹമാമ പബ്ലിക് പാർക്ക് തുറന്നു |

ഖത്തറിൽ മുഷരിബ് ഡൗൺടൗണിലെ വേനൽക്കാല പരിപാടികൾ പ്രഖ്യാപിച്ചു

July 11, 2024

July 11, 2024

ന്യൂസ്‌റൂം ബ്യുറോ

ദോഹ: ഖത്തറിൽ മുഷരിബ് ഡൗൺടൗണിലെ വേനൽക്കാല പരിപാടികൾ പ്രഖ്യാപിച്ചു. എല്ലാ പ്രായത്തിലുമുള്ള സന്ദര്‍ശകർക്ക് പരിപാടികളിൽ പങ്കെടുക്കാം. പാരമ്പര്യവും ആധുനികതയും സമ്മേളിക്കുന്ന വൈവിധ്യമാര്‍ന്ന പരിപാടികളാണ് വേനല്‍ക്കാല പ്രവര്‍ത്തനങ്ങളുടെ ഭാഗമായി അണിയിച്ചൊരുക്കുന്നത്. ജൂലൈ 15 മുതല്‍ ആഗസ്റ്റ് 31 വരെയാണ് പരിപാടികൾ സംഘടിപ്പിക്കുന്നത്.

വേനൽക്കാല ആഘോഷങ്ങൾക്ക് തുടക്കമിട്ട്, ജൂലൈ 15നും ഓഗസ്റ്റ് 15നും ഇടയിൽ മുഷരിബ് ഗലേറിയയിൽ സ്കിൽ ഫെസ്റ്റ് സംഘടിപ്പിക്കും. സന്ദർശകർക്ക് വിവിധ സ്കില്ലുകൾ വർധിപ്പിക്കുന്ന പ്രവർത്തനങ്ങളിൽ പങ്കെടുക്കാം. ഇവന്റിലെ ഇന്ററാക്ടിവ് സെഷനുകളിലൂടെ നൂതനത്വം, വ്യക്തിഗത വളർച്ച എന്നിവ പ്രചോദിപ്പിക്കുകയാണ് ലക്ഷ്യമിടുന്നത്. ഖത്തറിലെ പ്രകൃതി ദൃശ്യങ്ങളെയും സമുദ്ര ആവാസവ്യവസ്ഥയെയും കുറിച്ചുള്ള പ്രദർശനവും, വൈൽഡ് ലൈഫ് ഫോട്ടോഗ്രാഫറും കലാകാരനുമായ അസം അൽ മന്നായിയുടെ സൃഷ്ടികളും സ്കിൽ ഫെസ്റ്റ് സോണിൽ ഉണ്ടായിരിക്കും.

മുഷരിബ് ഗലേറിയയിലെ പ്ലേ സോൺ ജൂലൈ 15 മുതൽ ഓഗസ്റ്റ് 31 വരെ തുറന്നിരിക്കും. ജൂലൈ 18-നും ഓഗസ്റ്റ് 31-നും ഇടയിൽ എല്ലാ പ്രായക്കാർക്കും ജയന്റ് മേസ് ഗെയിമിൽ പങ്കെടുക്കാം. ഡൈനാമിക് ലൈറ്റിംഗും ആകർഷകമായ ശബ്‌ദ ഇഫക്‌റ്റുകളും ഉപയോഗിച്ച് രൂപകൽപ്പന ചെയ്‌തിരിക്കുന്ന ജയന്റ് മേസ് സന്ദർശകർക്ക് വ്യത്യസ്ത അനുഭവമായിരിക്കും.

കൂടാതെ, ആഗസ്റ്റ് 1 മുതൽ ഓഗസ്റ്റ് 31 വരെ ഗലേറിയയുടെ റൂഫ് ടെറസിലെ സ്‌പ്ലാഷ് സോൺ സന്ദർശിക്കാം. സ്പ്ലാഷ് സോണിൽ എല്ലാ പ്രായക്കാർക്കും ആസ്വദിക്കാൻ കഴിയുന്ന വൈവിധ്യമാർന്ന വാട്ടർ ഇൻഫ്‌ലറ്റബിളുകൾ അവതരിപ്പിക്കും. ഇവിടെ റിഫ്രഷ്‌മെന്റ് ഏരിയയും ഫാമിലി ഇരിപ്പിടങ്ങളും ഉൾപ്പെടുന്നുണ്ട്. ആഗസ്റ്റ് 15 മുതൽ ആഗസ്റ്റ് 31 വരെ വിന്റേജ് സ്കൂൾ തീം ഉപയോഗിച്ച് പൂർത്തിയാക്കിയ ബാക്ക്-ടു-സ്കൂൾ പ്രവർത്തനങ്ങൾ ഉണ്ടായിരിക്കും. സ്പെല്ലിംഗ് ബീസ്, ഫെയ്സ് പെയിന്റിംഗ്, ആർട്സ് ആൻഡ് ക്രാഫ്റ്റ്സ്, സ്റ്റോറി ടെല്ലിംഗ് സെഷനുകൾ എന്നിവയും സംഘടിപ്പിക്കും.