September 27, 2023
September 27, 2023
ദുബായ് : ഒമാനിൽ നിന്ന് ദുബായിലേക്കുള്ള മുവാസലാത്ത് ബസ് സർവിസുകൾ പുനരാരംഭിക്കുന്നു. ഒക്ടോബർ1 മുതൽ സർവിസ് നടത്തുമെന്ന് എക്സിലൂടെ (ട്വിറ്റർ) കമ്പനി അധികൃതർ അറിയിച്ചു. അൽഐൻ വഴി അബുദാബിയിലേക്കാണ് ബസ് സർവിസ് നടത്തുക.
115 ഒമാനി റിയാൽ (109 ദിർഹം) ആയിരിക്കും വൺവേ ടിക്കറ്റ് നിരക്ക്. യാത്രക്കാർക്ക് 23 കിലോഗ്രാം ലഗേജും ഏഴ് കിലോ ഹാൻഡ് ബാഗേജും അനുവദിക്കുന്നതായിരിക്കും. രാവിലെ 6.30ന് അസൈബ ബസ് സ്റ്റേഷനിൽ നിന്ന് പുറപ്പെടുന്ന ബസ് 11ന് ബുറൈമിയിലും ഉച്ചക്ക് 1 മണിക്ക് അൽ ഐനിലും ഉച്ചക്ക് 3.40ന് അബുദാബി ബസ് സ്റ്റേഷനിലും എത്തിച്ചേരും. കൂടാതെ, അബുദാബിയിൽ നിന്ന് രാവിലെ 10.40ന് പുറപ്പെടുന്ന ബസ് രാത്രി 8.35ന് മസ്‌കത്തിൽ എത്തും. അബുദാബിയിൽ നിന്ന് അഞ്ച് മണിക്കൂറാണ് മസ്കത്തിലേക്കുള്ള യാത്ര സമയം. എമിഗ്രേഷൻ ക്ലിയറൻസ് പൂർത്തീകരിക്കാൻ എടുക്കുന്ന സമയമടക്കം ആറുമണിക്കൂറിനുള്ളിൽ മസ്കത്തിലെത്താൻ സാധിക്കും. എന്നാൽ, ദുബായിൽ നിന്ന് ഒമാനിലേക്ക് 450 ദിർഹം മുതലാണ് വിമാന ടിക്കറ്റ് നിരക്ക്.
അതേസമയം, ഒമാനിൽ നിന്ന് ദുബായിലേക്കുള്ള ബസ് സർവിസുകൾ കോവിഡിനെ തുടർന്ന് മുവാസലാത്ത് നിർത്തിവെച്ചിരുന്നു. ഈ സർവീസാണ് ഇപ്പോൾ പുനരാരംഭിക്കുന്നത്.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
