February 24, 2024
February 24, 2024
ദോഹ: ഖത്തറിൽ എജ്യുക്കേഷന്‍ എബൗവ് ഓള്‍ (ഇ.എ.എ), ഖത്തര്‍ ഫുട്ബോള് അസോസിയേഷന്‍ (ക്യു.എഫ്.എ) എന്നിവരുടെ സഹകരണത്തോടെ ഖത്തര്‍ ഇന്റര്‍നാഷണല്‍ മീഡിയ ഓഫീസിന് കീഴിലുള്ള സാംസ്‌കാരിക പ്ലാറ്റ്ഫോമായ ക്യു ലൈഫ് സംഘടിപ്പിച്ച മാച്ച് ഫോര്‍ ഹോപ്പ്’ ചാരിറ്റി ഫുട്ബോള് മത്സരം 32,301,625 ഖത്തർ റിയാല്‍ സമാഹരിച്ചു. മത്സരത്തിൽ അബോഫ്‌ലയെ 7-5 എന്ന സ്കോറിന് തോല്‍പ്പിച്ച് ചങ്ക്സ് ടീം ചാമ്പ്യന്മാരായി. ഇന്നലെ (വെള്ളിയാഴ്ച) അഹമ്മദ് ബിന്‍ അലി സ്റ്റേഡിയത്തിലായിരുന്നു മത്സരം.
മാലി, പാകിസ്ഥാന്‍, ഫലസ്തീന്‍, റുവാണ്ട, സുഡാന്‍, ടാന്‍സാനിയ എന്നിവിടങ്ങളിലെ എജ്യുക്കേഷന്‍ എബൗവ് ഓളിന്റെ വിവിധ സംരംഭങ്ങളെ പിന്തുണയ്ക്കാന്‍ ഫണ്ട് ഉപയോഗിക്കും.
മെന (MENA) മേഖലയിലെ ഏറ്റവും സ്വാധീനമുള്ള കണ്ടന്റ് ക്രിയേറ്റര്‍മാരായ അബൂ ഫ്‌ലാഹ്, ചങ്ക്സ് എന്നിവരാണ് രണ്ട് ടീമുകളെ നയിച്ചത്. ഫുട്ബോള് ഇതിഹാസങ്ങളായ കാക, റോബര്‍ട്ടോ കാര്‍ലോസ്, ഈഡന്‍ ഹസാര്‍ഡ്, ദിദിയര്‍ ദ്രോഗ്ബ, ഡേവിഡ് വില്ല, പാരീസ് സെന്റ് ജെര്‍മെയ്നില്‍ നിന്നുള്ള ക്ലോഡ് മക്കെലെ എന്നിവരും പങ്കെടുത്തു.
സന്ദർശകർക്ക് വിനോദ പരിപാടികളും ആരോഗ്യകരമായ പ്രവര്‍ത്തനങ്ങളും സംഘാടകര്‍ ഒരുക്കിയിരുന്നു. തത്സമയ സ്റ്റേജ് ഷോകളും നൃത്ത പ്രകടനങ്ങളും, ഡിജെ മിക്സ് തുടങ്ങിയ വൈവിധ്യമാര്‍ന്ന പരിപാടികളും സ്റ്റേഡിയത്തിൽ അരങ്ങേറി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
