August 28, 2023
August 28, 2023
ദോഹ: ഖത്തറിലെ അൽ മൻസൂറയിലുള്ള ലേബർ ക്യാമ്പിൽ അനധികൃതമായി പ്രവർത്തിക്കുന്ന വർക്ക് ഷോപ്പും വെയർഹൗസും ദോഹ മുനിസിപ്പാലിറ്റി പിടിച്ചെടുത്തു. ഉടമകൾക്കെതിരെ കേസ് എടുത്തതായും ബന്ധപ്പെട്ട ഉദ്യോഗസ്ഥർക്ക് കൈമാറിയതായും മുനിസിപ്പാലിറ്റി അധികൃതർ അറിയിച്ചു. തൊഴിലാളികളുടെ പാർപ്പിട ആവശ്യങ്ങൾക്ക് മാത്രമാണ് ലേബർ ക്യാമ്പുകൾ അനുവദിച്ചിട്ടുള്ളതെന്ന് അധികൃതർ വ്യക്തമാക്കി.
ഖത്തറിൽ ഏതെങ്കിലും തരത്തിലുള്ള നിയമലംഘനങ്ങൾ ശ്രദ്ധയിൽ പെട്ടാൽ, കോൾ സെന്റർ നമ്പർ 184 വഴിയോ സ്മാർട്ട് ഉപകരണങ്ങൾ വഴിയോ മുനിസിപ്പാലിറ്റി മന്ത്രാലയത്തിന്റെ വെബ്സൈറ്റ് വഴിയോ അപേക്ഷ അയക്കണമെന്ന് ദോഹ മുനിസിപ്പാലിറ്റി അഭ്യർത്ഥിച്ചു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
