February 22, 2024
February 22, 2024
ദുബായ് : യു.എ.ഇയുടെ ദേശീയ ക്രിക്കറ്റ് ടീം പരിശീലകനായി മുൻ ഇന്ത്യൻ ക്രിക്കറ്റ് താരം ലാൽചന്ദ് രാജ്പുതിനെ നിയമിക്കുന്നു. മൂന്നു വർഷത്തേക്കാണ് നിയമനം. ‘ഗൾഫ് ന്യൂസാ’ണ് ഇക്കാര്യം റിപ്പോർട്ട് ചെയ്തത്.
ഇന്ത്യൻ ടീം ആദ്യ ട്വന്‍റി20 ലോകകപ്പ് സ്വന്തമാക്കിയപ്പോൾ ടീമിന്റെ മാനേജരായിരുന്നു ലാൽചന്ദ്. നേരത്തേ സിംബാബ്‍വെ, അഫ്ഗാൻ ടീമുകളുടെ കോച്ചായും സേവനമനുഷ്ഠിച്ചിട്ടുണ്ട്. 1985-87 കാലയളവിൽ അദ്ദേഹം ഇന്ത്യൻ ടെസ്റ്റ്, ഏകദിന ക്രിക്കറ്റ് ടീമിൽ അംഗമായിരുന്നു. ഇന്ത്യൻ ക്രിക്കറ്റ് താരം സുനിൽ ഗവാസ്കറിന് ശേഷം മികച്ച ഓപണിങ് ബാറ്റ്സ്മാനായിരുന്നു. എന്നാൽ, അന്താരാഷ്ട്ര ക്രിക്കറ്റിൽ വലിയ നേട്ടങ്ങൾ കരസ്ഥമാക്കാൻ കഴിഞ്ഞിരുന്നില്ല.
ഇന്ത്യക്കാർ അടക്കമുള്ള താരങ്ങൾ ഉൾപ്പെടുന്ന യു.എ.ഇ ടീം രാജ്പുതിന്‍റെ നിയമനം പ്രതീക്ഷയോടെയാണ് കാണുന്നത്. അടുത്ത ആഴ്ചയോടെ ചുമതലയേൽക്കുന്ന രാജ്പുത്, 2027ലെ ലോകകപ്പിലേക്കുള്ള യോഗ്യത മത്സരങ്ങളുടെ പരിശീലനമാണ് തുടക്കത്തിൽ നിർവഹിക്കുക. ഫെബ്രുവരി 28ന് ദുബായിൽ ആരംഭിക്കുന്ന ക്രിക്കറ്റ് ലോകകപ്പ് ലീഗ്-2 മത്സരങ്ങളിൽ യു.എ.ഇ കാനഡയേയും സ്‌കോട്ട്‌ലൻഡിനെയും നേരിടും. എട്ടു ടീമുകളുള്ള ലീഗ് 2ൽ നേപ്പാൾ, നമീബിയ, നെതർലൻഡ്‌സ്, ഒമാൻ, യു.എസ്.എ എന്നിവരും മത്സരിക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
