July 30, 2023
July 30, 2023
ന്യൂസ്‌റൂം ബ്യുറോ
ദുബായ് : തിരക്കേറിയ ദുബായ്-അബുദാബി ശൈഖ് സായിദ് ബിൻ സുല്‍ത്താൻ റോഡ് ഭാഗികമായി അടച്ചു. ഈമാസം 31 വരെയാണ് ഈ റോഡിന്റെ മൂന്ന് ലൈനുകള്‍ അടച്ചിടുന്നതെന് സംയോജിത ഗതാഗത കേന്ദ്രം അറിയിച്ചു.
E10 ഹൈവേയില്‍ ദുബായ് ദിശയിലേക്ക് പോകുന്ന റോഡിന്റെ വലത് വശത്തെ മൂന്ന് ലൈനുകളാണ് ഈമാസം 31 വരെ അടച്ചിടുക.
റോഡിലെ ശൈഖ് സായിദ് പാലം കഴിഞ്ഞ് അല്‍റാഹ മാള്‍ കഴിയുന്നത് വരെയുള്ള ഭാഗത്താണ് നിയന്ത്രണം. ജൂലൈ 31 ന് രാവിലെ ആറ് വരെ റോഡിന്റെ മൂന്ന് ലൈനുകള്‍ അടച്ചിടുമെന്നാണ് അറിയിപ്പ്. അബൂദബിയില്‍ നിന്ന് ദുബൈയിലേക്കും ഷഹാമയിലേക്കും ഇതുവഴി യാത്ര ചെയ്യുന്നവര്‍ റോഡിലെ നിയന്ത്രണം ശ്രദ്ധിക്കണം. അറ്റകുറ്റപണികളുടെ ഭാഗമാണ് റോഡ് അടക്കുന്നത് എന്നാണ് റിപ്പോര്‍ട്ടുകള്‍.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/IkqmkUPd0fhGs9abNGXONm
