May 02, 2023
May 02, 2023
ന്യൂസ്റൂം ബ്യൂറോ
ജിദ്ദ: ജിദ്ദ തുറമുഖം വഴി കടത്താന്‍ ശ്രമിച്ച വന്‍ മയക്കുമരുന്ന് ശേഖരം പിടിച്ചെടുത്തതായി ജനറല്‍ ഡയറക്ടറേറ്റ് ഓഫ് നര്‍കോട്ടികിസ് കണ്‍ട്രോള്‍ അറിയിച്ചു. നിര്‍മാണ വസ്തുക്കള്‍ അടങ്ങിയ ലോഡില്‍ ഒളിപ്പിച്ച് കടത്തിയ 52.8 ലക്ഷം ലഹരി ഗുളികകളാണ് സകാത്ത്, ടാക്‌സ് ആന്റ് കസ്റ്റംസ് അതോറിറ്റിയുമായി ഏകോപിച്ച് ജനറല്‍ ഡയറക്ടറേറ്റ് ഓഫ് നര്‍കോട്ടികിസ് കണ്‍ട്രോള്‍ പിടിച്ചെടുത്തത്. മയക്കുമരുന്ന് ശേഖരം സൗദിയില്‍ സ്വീകരിച്ച ആറുപേരെ റിയാദില്‍ നിന്ന് പിന്നീട് അറസ്റ്റ് ചെയ്തു. നാലു സിറിയക്കാരും ഒരു സുഡാനിയും ഒരു സൗദി പൗരനുമാണ് അറസ്റ്റിലായത്. നിയമാനുസൃതമായ നടപടികള്‍ക്കുശേഷം പ്രതികളെ പബ്ലിക് പ്രോസിക്യൂഷന് കൈമാറി.
ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക https://chat.whatsapp.com/KIGk615xlF1ILlMGxpUXqI
