November 03, 2021
November 03, 2021
മഴയ്ക്ക് വേണ്ടിയുള്ള പ്രത്യേക നമസ്കാരം നാളെ നിർവഹിക്കപ്പെടുമെന്ന് സൗദി റോയൽ കോർട്ട് അറിയിച്ചു. സൽമാൻ രാജാവാണ് ഈ തീരുമാനം എടുത്തത്. പ്രവാചകചര്യയുടെ ഭാഗമായുള്ള മഴ നമസ്കാരം ഈയിടെ ഖത്തറിലും നടന്നിരുന്നു. രാജ്യത്തിന്റെ വിവിധഭാഗങ്ങളിലുള്ള ജനങ്ങളോട് നമസ്കാരം നിർവഹിക്കാൻ ശ്രമിക്കണമെന്നും റോയൽ കോർട്ട് അറിയിച്ചു. സൂര്യോദയം കഴിഞ്ഞ് 15 മിനിറ്റിന് ശേഷമായിരിക്കും നമസ്കാരം. പള്ളികൾ നമസ്കാരത്തിന് സജ്ജമാക്കണമെന്നും വേണ്ട മുൻകരുതലുകൾ സ്വീകരിക്കണമെന്നും മതകാര്യവകുപ്പ് പള്ളി ജീവനക്കാരെ അറിയിച്ചിട്ടുണ്ട്.
