November 01, 2021
November 01, 2021
ദോഹ : 2022 ട്വന്റി ട്വന്റി ലോകകപ്പിന് യോഗ്യത നേടാൻ കഴിഞ്ഞില്ലെങ്കിലും, യോഗ്യതാ റൗണ്ടിൽ മികച്ച പ്രകടനമാണ് ഖത്തർ കാഴ്ചവെച്ചത്. റൺറേറ്റിലെ മുൻതൂക്കത്തിൽ ഖത്തറിനെ മറികടന്ന് ബഹ്‌റൈൻ യോഗ്യത നേടുകയായിരുന്നു. ടൂർണമെന്റിൽ തിളങ്ങിയ ഖത്തർ നായകൻ ഇഖ്ബാൽ ഹുസൈൻ ഐസിസിയുടെ ബൗളർമാരുടെ പട്ടികയിൽ മൂന്നാമത് എത്തിയിരിക്കുകയാണ്.
സ്ട്രൈക്ക് റേറ്റിൽ അഫ്ഗാൻ താരം റാഷിദ്‌ ഖാനും നേപ്പാൾ ബൗളർ സന്ദീപ് ലാമിച്ചാനെയും മാത്രമാണ് ഇഖ്ബാലിന് മുന്നിലുള്ളത്. യോഗ്യതാ റൗണ്ടിലെ നാല് മത്സരങ്ങളിൽ നിന്നായി ഏഴ് വിക്കറ്റുകൾ വീഴ്ത്തിയ ഇഖ്ബാൽ, 15 ഓവറിൽ കേവലം 89 റൺസാണ് വിട്ടുകൊടുത്തത്. അന്താരാഷ്ട്ര ക്രിക്കറ്റിൽ 26 മത്സരങ്ങളിൽ നിന്നായി 45 വിക്കറ്റുകളാണ്‌ ഇഖ്ബാലിനെ സമ്പാദ്യം.
