November 08, 2021
November 08, 2021
ദുബൈ : സമൂഹമാധ്യമങ്ങളിലെ അനുചിതമായ ഇടപെടലുകളിലൂടെ നിരവധി തവണ വിവാദങ്ങളിൽ പെട്ടിട്ടുള്ള ഗായികയാണ് ഷംസ്. ആഗോളസമ്പന്നരുടെ പട്ടികയിലെ പ്രമുഖനായ ബിൽ ഗേറ്റ്സിനെ വിവാഹം ചെയ്യാൻ സന്നദ്ധത പ്രകടിപ്പിച്ചുകൊണ്ടുള്ള താരത്തിന്റെ ട്വീറ്റാണ് നിലവിൽ സമൂഹമാധ്യമങ്ങളിലെ ചർച്ചാ വിഷയം.
'ബിൽ ഗേറ്റ്സ് ഒരു ബുദ്ധിശാലിയാണ്, ഡിജിറ്റൽ യുഗത്തിന്റെ തേജസ്സായ ഈ മനുഷ്യന്റെ ദീർഘവീക്ഷണം എനിക്ക് ഒത്തിരി ഇഷ്ടമാണ്. ഇയാളെ വിവാഹം ചെയ്യാൻ ഞാൻ ഒരുക്കമാണ്. നിങ്ങൾക്കെന്ത് തോന്നുന്നു? എന്റെ ഈ അപേക്ഷ ബിൽ ഗേറ്റ്സ് സ്വീകരിക്കുമോ?' എന്നതായിരുന്നു ട്വീറ്റിന്റെ ഉള്ളടക്കം. സംഭവം വിവാദമായതോടെ വിശദീകരണവുമായി ഷംസ് രംഗത്തെത്തിയിട്ടുണ്ട്. തീർത്തും തമാശരൂപേണ നടത്തിയ പ്രസ്താവനയാണ് അതെന്നും, വിവാദങ്ങൾക്ക് താനില്ലെന്നുമായിരുന്നു ഷംസിന്റെ പ്രതികരണം. ബിൽ ഗേറ്റ്സ് വിവാഹമോചനം നേടിയത് ദിവസങ്ങൾക്ക് മുൻപ് സമൂഹമാധ്യമങ്ങളിൽ ഏറെ ചർച്ചയായിരുന്നു. പിന്നാലെയാണ് കുവൈത്തി ഗായികയുടെ ട്വീറ്റും വാർത്തകളിൽ ഇടംപിടിച്ചത്.
