October 12, 2021
October 12, 2021
അബുദാബി : വംശനാശഭീഷണി നേരിടുന്ന റോത്ത് ചൈൽഡ് ഇനത്തിൽ പെട്ട ജിറാഫ് പ്രസവിച്ചതോടെ അൽ ഐൻ മൃഗശാലയിലേക്ക് സന്ദർശകർ ഒഴുകിയെത്തുന്നു. രണ്ട് കുഞ്ഞുങ്ങൾക്കാണ് അമ്മ ജിറാഫ് ജന്മം നൽകിയത്. ഇവ അടക്കം 12 ജിറാഫുകളാണ് നിലവിൽ മൃഗശാലയിൽ ഉള്ളത്. കൃത്യമായ പരിശീലനം നൽകിയ ശേഷം മാത്രമേ മറ്റ് മൃഗങ്ങളുമായി ഇടപഴകാൻ ഇവയെ അനുവദിക്കൂ എന്ന് മൃഗശാല അധികൃതർ അറിയിച്ചു. 25 വർഷം ശരാശരി ആയുസ്സ് കണക്കാക്കപ്പെടുന്ന ജിറാഫുകളിൽ ഒരു ലക്ഷത്തിൽ താഴെ എണ്ണം മാത്രമാണ് ഇപ്പോൾ ലോകത്ത് അവശേഷിക്കുന്നത്.
