January 17, 2022
January 17, 2022
അബുദാബി : അബുദാബി മുസഫയിൽ സ്ഫോടനത്തെ തുടർന്ന് എണ്ണ ടാങ്കറുകൾ പൊട്ടിത്തെറിച്ച് മൂന്ന് പേർ മരിച്ചു. രണ്ട് ഇന്ത്യക്കാർക്കും ഒരു പാകിസ്ഥാൻ പൗരനുമാണ് ജീവൻ നഷ്ടപ്പെട്ടതെന്ന് അബുദാബി പോലീസ് സ്ഥിരീകരിച്ചു. സ്ഫോടനത്തെ തുടർന്ന് മൂന്ന് ടാങ്കറുകൾ പൊട്ടിത്തെറിക്കുകയായിരുന്നു.
ആറ് പേർക്ക് പരിക്കേറ്റിട്ടുണ്ടെന്നും, ഇവരുടെ നില ഗുരുതരമല്ലെന്നും പോലീസ് വൃത്തങ്ങൾ അറിയിച്ചു. ഇന്ന് രാവിലെയാണ് സംഭവം. ഇതിന് പിന്നാലെ, അബുദാബി വിമാനത്താവളത്തിന് സമീപത്തുള്ള നിർമ്മാണമേഖലയിലും സ്ഫോടനം ഉണ്ടായതായി റിപ്പോർട്ടുകളുണ്ട്. സംഭവത്തിന് പിന്നിൽ ഹൂത്തികളാണെന്നും, പ്രാഥമിക അന്വേഷണത്തിൽ ചെറിയ വിമാനത്തിന്റെ ഭാഗങ്ങൾ സംഭവസ്ഥലത്ത് നിന്നും കണ്ടെത്തിയതായും അന്താരാഷ്ട്ര മാധ്യമമായ റോയിട്ടേഴ്‌സ് റിപ്പോർട്ട് ചെയ്തു.
