January 25, 2021
January 25, 2021
ദുബായ് : ദുബായ് കെ.എം.സി.സിയുടെ മുതിർന്ന നേതാവും അറിയപ്പെടുന്ന പൊതുപ്രവർത്തകനുമായിരുന്ന കണ്ണൂർ മേക്കുന്ന മത്തിപ്പറമ്പ് സ്വദേശി അൽ സഫയിൽ വി.വി മഹമൂദ്(65) ദുബായിൽ നിര്യാതനായി.മസ്തിഷ്കാഘാതത്തെ തുടർന്ന് ദുബായ് അൽ റാഷിദ് ഹോസ്പിറ്റലിലായിരുന്നു അന്ത്യം.
പരേതരായ കരിയാട് പുത്തൻ പീടികയിൽ ടി.പി മൊയ്തു ഹാജിയുടെയും പുളിയനമ്ബ്രം വെള്ളംവള്ളി കുഞ്ഞാമിയുടെയും മകനാണ്.ഭാര്യ : കുഞ്ഞിപ്പറമ്പത്ത് സീനത്ത്. മക്കൾ : ഫെമിന,ഷഹാമ,ശൈഖ് ശംനൂൻ (ദുബായ്),മുഹമ്മദ് ഷമ്മാസ്(വിദ്യാർത്ഥി,എം.ഇ.എസ് കോളേജ് കൂത്തുപറമ്പ്)
വയനാട് മുട്ടിൽ യതീംഖാന ദുബായ് ചാപ്റ്റർ പ്രസിഡന്റ്,പെരിങ്ങത്തൂർ എം.ഇ.സി.എഫ് അംഗം,കരിയാട് സി.എച്ച് മൊയ്തുമാസ്റ്റർ മെമ്മോറിയൽ സൊസൈറ്റി അംഗം,മത്തിപ്പറമ്പ് മഹല്ല് ജമാഅത്ത് അംഗം,മുസ്ലിം ലീഗ് കരിയാട് മേഖലാ കമ്മറ്റി അംഗം എന്നീ നിലകളിൽ സജീവമായിരുന്നു.മയ്യിത്ത് നാട്ടിൽ എത്തിച്ചു ഖബറടക്കുമെന്ന് ബന്ധുക്കൾ അറിയിച്ചു.
ന്യൂസ്‌റൂം വാർത്തകൾക്കും തൊഴിൽ പരസ്യങ്ങൾ നൽകാനും +974 6620 0167 എന്ന വാട്സ്ആപ് നമ്പറിൽ സന്ദേശമയക്കുക.
