January 17, 2022
January 17, 2022
അബുദാബി : രണ്ട് ഇന്ത്യക്കാരടക്കം മൂന്നുപേർക്ക് ജീവൻ നഷ്ടപ്പെട്ട അബുദാബി സ്ഫോടനം തങ്ങളാണ് ആസൂത്രണം ചെയ്തതെന്ന വാദവുമായി ഹൂത്തി വിമതർ രംഗത്ത്. സംഭവസ്ഥലത്ത് നിന്നും ചെറുവിമാനത്തിന്റെ അവശിഷ്ടങ്ങൾ കണ്ടെത്തിയതായി വാർത്തകൾ വന്നതിന് പിന്നാലെയാണ് ഹൂത്തികൾ ഉത്തരവാദിത്തം ഏറ്റെടുത്തത്.
ഇന്ന് രാവിലെയാണ് അബുദാബിയിൽ രണ്ട് വ്യത്യസ്ത ഇടങ്ങളിലായി സ്ഫോടനങ്ങൾ ഉണ്ടായത്. ആക്രമണത്തെ പറ്റിയുള്ള കൂടുതൽ വിവരങ്ങൾ വൈകാതെ പുറത്തുവിടുമെന്നും ഹൂത്തി വക്താവ് അറിയിച്ചു. അപകടത്തിന് പിന്നാലെ യു.എ.ഇ ഓഹരി വിപണിയിൽ നേരിയ ഇടിവ് രേഖപ്പെടുത്തി. സൗദിയിൽ പലതവണ ആക്രമണങ്ങൾ നടത്തിയിട്ടുള്ള ഹൂത്തി വിമതസേന, യു.എ.ഇ യെ ആക്രമിക്കാൻ തുനിഞ്ഞത് വലിയ പ്രത്യാഘാതങ്ങൾക്ക് വഴിവെച്ചേക്കും. ഇറാന്റെ പിന്തുണ കരുത്താക്കിയാണ് വിമതർ സൗദിയുടെ നേതൃത്വത്തിലുള്ള സഖ്യത്തെ ആക്രമിക്കുന്നത്.
