June 30, 2021
June 30, 2021
ദുബൈ:ഓഗസ്റ്റ് 20 മുതല്‍ കൊവിഡ് വാക്സിന് സ്വീകരിച്ചവര്‍ക്ക് മാത്രമേ പൊതു സ്ഥലങ്ങളില്‍ പ്രവേശനമുള്ളൂവെന്ന് അബുദബി. പൊതുജനാരോഗ്യ സംരക്ഷണത്തിന്റെ ഭാഗമായാണ് തീരുമാനമെന്ന് അബുദബി ദുരന്തനിവാരണ സമിതി അറിയിച്ചു. യു.എ.ഇയില്‍ വാക്സിന് മുന്‍ഗണന പട്ടികയിലെ വിഭാഗങ്ങളിലെ 93 ശതമാനം പേര്‍ക്കും കുത്തിവയ്പ്പ് നല്‍കിയ ശേഷമാവും തീരുമാനം നടപ്പിലാക്കുക. ഷോപ്പിങ് സെന്ററുകള്‍, റസ്റ്റോറന്റുകള്‍, കഫേകള്‍, ജിമ്മുകള്‍, റിസോര്‍ട്ടുകള്‍, മ്യൂസിയങ്ങള്‍, സാംസ്‌കാരിക കേന്ദ്രങ്ങള്‍, പാര്‍ക്കുകള്‍, സ്‌കൂളുകള്‍ തുടങ്ങിയ എല്ലാ ഇടങ്ങളിലും പ്രവേശിക്കണമെങ്കില്‍ വാക്സിന് സ്വീകരണം നിര്‍ബന്ധമാക്കും. വാക്സിനേഷന്‍ ഇളവുള്ള വ്യക്തികള്‍ക്കും 15 വയസ്സില്‍ താഴെയുള്ള കുട്ടികള്‍ക്കും ഈ തീരുമാനം ബാധകമല്ല.
