January 03, 2022
January 03, 2022
കണ്ണൂർ : സംസ്ഥാനത്ത് പോലീസിന്റെ ക്രൂരത വീണ്ടും.ബൂട്ടിട്ട കാലുകൊണ്ട് ട്രെയിന് യാത്രക്കാരനെ പൊലീസ് തറയിലിട്ട് ചവിട്ടുന്ന ദൃശ്യങ്ങള് ഏഷ്യാനെറ്റ് ന്യൂസ് പുറത്തുവിട്ടു.. മംഗലാപുരം-തിരുവനന്തപുരം ട്രെയിനായ മാവേലി എക്സ്പ്രസിൽ വെച്ച് ഇന്നലെ രാത്രിയായിരുന്നു സംഭവം. സ്ലീപ്പർ ടിക്കറ്റ് കയ്യിലില്ലെന്ന് ആരോപിച്ചായായിരുന്നു പൊലീസുകാരന് യാത്രക്കാരനെ ക്രൂരമായി ബൂട്ടിട്ട് മർദിച്ചത്. ട്രെയിനിലെ പൊലീസിന്റെ രാത്രികാല പരിശോധനയ്ക്കിടെയാണ് സംഭവം. പരിശോധനയ്ക്കെത്തിയ പൊലീസുകാര് ടിക്കറ്റ് ചോദിച്ചപ്പോള് സെക്കന്ഡ് ക്ലാസ് ടിക്കറ്റ് മാത്രമേ ഉള്ളൂവെന്ന് യാത്രക്കാരന് പറഞ്ഞു. ഇതിന് പിന്നാലെയായിരുന്നു മര്ദനം. എ.എസ്.ഐ പ്രമോദ് ആണ് യാത്രക്കാരനെ പ്രകോപനമൊന്നുമില്ലാതെ മര്ദിച്ചത്. ട്രെയിൻ യാത്രക്കാരനെ പൊലീസ് ബൂട്ടിട്ട് ചവിട്ടിയ ദൃശ്യങ്ങള് പുറത്തുവന്നതോടെ വീണ്ടും സംസ്ഥാനത്തെ പൊലീസ് അക്രമം ചര്ച്ചയാകുകയാണ്.
മർദിച്ചതിന് പുറമേ ട്രെയിന് തലശ്ശേരി സ്റ്റേഷനിലെത്തിയപ്പോള് യാത്രക്കാരനെ വലിച്ചിറക്കി പുറത്തിട്ടുവെന്നും പറയുന്നുണ്ട്. എന്നാല് ഡ്യൂട്ടി മാത്രമാണ് ചെയ്തതെന്നും യാത്രക്കാരന് മദ്യലഹരിയിലായിരുന്നെന്നും എ.എസ്.ഐ പ്രമോദ് പറയുന്നു. സംഭവത്തില് മനുഷ്യാവകാശ ലംഘനം നടന്നിട്ടുണ്ടോയെന്നതടക്കമുള്ള കാര്യങ്ങള് പരിശോധിക്കുമെന്നും കുറ്റം ചെയ്തതായി തെളിഞ്ഞാല് പൊലീസുകാരനെതിരെ നടപടിയെടുക്കുമെന്നും കണ്ണൂര് സിറ്റി പൊലീസ് കമ്മീഷണര് ഇളങ്കോവന് പറഞ്ഞു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക