January 03, 2021
January 03, 2021
തിരുവനന്തപുരം; പ്രശസ്ത കവിയും ഗാനരചയിതാവുമായ അനില്‍ പനച്ചൂരാന്‍ അന്തരിച്ചു. തിരുവനന്തപുരത്തെ സ്വകാര്യ ആശുപത്രിയില്‍ വച്ചായിരുന്നു അന്ത്യം. ഹൃദയാഘാതമാണ് മരണ കാരണമായത്.കോവിഡ് സ്ഥിരീകരിച്ചിരുന്നു.
രാവിലെ സുഹൃത്തുക്കള്‍ക്കൊപ്പം ക്ഷേത്രത്തിലേയ്ക്ക് പോയതാണ് അനില്‍ പനച്ചൂരാനെന്ന് സഹോദരി ഭര്‍ത്താവ് പറഞ്ഞു. ഇടയ്ക്കുവച്ച്‌ തലചുറ്റലുണ്ടായി. കായംകുളത്തെ സ്വകാര്യ ആശുപത്രിയില്‍ പ്രവേശിപ്പിച്ചു. അവിടെ നിന്ന് കരുനാഗപ്പള്ളി വലിയത്ത് ആശുപത്രിയിലും തുടര്‍ന്ന് തിരുവനന്തപുരം കിംസ് ആശുപത്രിയിലും എത്തിക്കുകയായിരുന്നു. കിംസ് ആശുപത്രിയിലെത്തി അരമണിക്കൂറിനുള്ളില്‍ മരിച്ചു. ഹൃദയാഘാതം ഉണ്ടായതാണ് മരണകാരണം എന്ന് ആശുപത്രി വൃത്തങ്ങള്‍ അറിയിച്ചു. നങ്ങ്യാര്‍കുളങ്ങര ടി.കെ.എം. കോളേജ്, തിരുവനന്തപുരം ലോ അക്കാദമി, വാറംകല്‍ കാകദീയ സര്‍വകലാശാല എന്നിവിടങ്ങളില്‍ വിദ്യാഭ്യാസം. അഭിഭാഷകനായി ജോലിനോക്കുന്നു. ഭാര്യ: മായ, മകള്‍: ഉണ്ണിമായ.
അറബിക്കഥയിലെ ഗാനത്തിലൂടെ മലയാളിയുടെ ഇഷ്ട രചയിതാവായി മാറി. അറബിക്കഥ, കഥ പറയുമ്പോൾ എന്നീ സിനിമകൾ ശ്രദ്ധേയമാണ്.
അറബിക്കഥയിലെ 'ചോരവീണ മണ്ണിൽ നിന്നുയർന്നുവന്ന...'കഥപറയുമ്പോൾ എന്ന സിനിമയിലെ 'ബാർബറാം ബാലനെ...'തുടങ്ങിയ ഗാനങ്ങൾ ജനപ്രീതി നേടി.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക
