February 24, 2021
February 24, 2021
കോഴിക്കോട് : കോഴിക്കോട് പൊള്ളലേറ്റ നിലയില് കണ്ടെത്തിയ ഗൃഹനാഥന് മരിച്ചു.ചെക്യാട് കീറിയപറമ്പത്ത് രാജു എന്നയാളാണ് മരിച്ചത്. രാജുവിനെയും ഭാര്യയെയും രണ്ട് കുട്ടികളെയും ഇന്നലെ പുലര്ച്ചെയാണ് കിടപ്പുമുറിയില് പൊള്ളലേറ്റ നിലയില് കണ്ടെത്തിയത്. മറ്റ് മൂന്ന് പേരുടെയും നില ഗുരുതരമാണ്. ഇവര് കോഴിക്കോട് മെഡിക്കല് കോളജ് ആശുപത്രിയില് ചികിസയിലാണ്.
പുലര്ച്ചെ രണ്ടരയോടെയാണ് ചെക്യാട് രാജുവിനെയും ഭാര്യ റീന, പ്ലസ്ടുവിലും ഒന്പതാം ക്ലാസിലും പഠിക്കുന്ന മക്കള് സ്റ്റാലിഷ്, സ്റ്റെഫിന് എന്നിവരെയും പൊള്ളലേറ്റ നിലയില് കണ്ടെത്തിയത്. രാജുവിന്റെ വീട്ടില് നിന്ന് കരച്ചില് കേട്ട് നോക്കിയപ്പോഴാണ് തീ ഉയരുന്നത് നാട്ടുകാര് കണ്ടത്. ഇവര് കിടന്നിരുന്ന മുറി പൂര്ണമായും കത്തിനശിച്ചു. ഓടിയെത്തിയ നാട്ടുകാരാണ് കുടുംബാംഗങ്ങളെ ഗുരുതരാവസ്ഥയില് കണ്ടെത്തിയത്. നാട്ടുകാര് അറിയിച്ചതിനെ തുടര്ന്നു പാനൂര് ഫയര് ഫോഴ്സ് സ്ഥലത്തെത്തി തീ അണച്ചു.
ആദ്യം കണ്ണൂരിലെ സ്വകാര്യ ആശുപത്രിയില് പ്രവേശിപ്പിച്ച ഇവരെ പിന്നീട് കോഴിക്കോട് മെഡിക്കല് കോളജിലേക്ക് മാറ്റി. ആത്മഹത്യ ശ്രമമാണെന്നാണ് പ്രാഥമിക നിഗമനം. അപകട നില തരണം ചെയ്ത ശേഷം മൊഴിയെടുത്താല് മാത്രമേ കൂടുതല് വ്യക്തത ലഭിക്കൂ എന്ന് പൊലീസ് പറഞ്ഞു.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ആൻഡ്രോയിഡ് ആപ് ഡൌൺലോഡ് ചെയ്യുക.
NewsRoom Connect
Download From Playstore Now:
https://play.google.com/store/apps/details?id=com.friggitello.newsroom_qatar_user
വാർത്തകൾ അറിയിക്കാനും പരസ്യങ്ങൾക്കും വാട്സ്ആപ് ചെയ്യുക : 00974 66200 167