September 03, 2022
September 03, 2022
തിരുവനന്തപുരം: ഗള്ഫ് രാജ്യങ്ങളിലെ നഴ്സിംഗ് ലൈസന്സിനായി നോര്ക്ക റൂട്ട്സ് വഴി പരിശീലനം നൽകുന്നു. വിദേശത്ത് തൊഴില് തേടുന്നവര്ക്ക് നൈപുണ്യം മെച്ചപ്പെടുത്തുന്നതിന് നഴ്സിംഗ് ഇന്സ്റ്റിറ്റ്യൂട്ട് ഫോര് കരിയര് എന്ഹാന്സ്മെന്റുമായി ചേർന്നാണ് നോര്ക്ക റൂട്ട്സ് നൈപുണ്യ വികസന പരിശീലന പരിപാടി സംഘടിപ്പിക്കുന്നത്. സെപ്റ്റംബര് ആറു വരെ അപേക്ഷ നല്കാം.
ബി.എസ്.സി നഴ്സിംഗും കുറഞ്ഞത് രണ്ട് വര്ഷത്തെ പ്രവര്ത്തി പരിചയവും ഉള്ള ഉദ്യോഗാര്ത്ഥികള്ക്ക് അപേക്ഷിക്കാം. നഴ്സിംഗ് രംഗത്ത് കൂടുതല് പ്രവര്ത്തി പരിചയം ഉള്ളവര്ക്കും നോര്ക്ക റൂട്ട്സ് ഷോര്ട്ട് ലിസ്റ്റ് ചെയ്തിട്ടുള്ളവര്ക്കും മുന്ഗണന ലഭിക്കും. വിദേശ രാജ്യങ്ങളില് നഴ്സിംഗ് മേഖലയില് തൊഴില് നേടുന്നതിന് അതത് രാജ്യങ്ങളിലെ സര്ക്കാര് ലൈസന്സിംഗ് പരീക്ഷ പാസാകേണ്ടതുണ്ട്. HAAD/MOH/DHA/PROMETRIC/NHRA തുടങ്ങിയ പരീക്ഷകള് പാസാകുന്നതിന് കേരള സര്ക്കാര് സ്ഥാപനമായ കേരള അക്കാദമി ഫോര് സ്കില്സ് എക്സലന്സിന്റെ അംഗീകൃത സ്ഥാപനമായ NICE ACADEMY വഴിയാണ് പരിശീലനം.
അപേക്ഷകരില് നിന്നും തിരഞ്ഞെടുക്കപ്പെടുന്ന 40 പേര്ക്കാണ് പരിശീലനം. കോഴ്സ് തുകയുടെ 75 ശതമാനം നോര്ക്ക റൂട്ട്സ് വഹിക്കും. പട്ടിക ജാതി പട്ടിക വര്ഗ്ഗ ബി.പി.എല് വിഭാഗത്തില്പ്പെടുന്നവര്ക്ക് പരിശീലനം സൗജന്യമാണ്. താല്പര്യമുള്ളവര് സെപ്റ്റംബര് 6 നു മുമ്പ് www.norkaroots.org വെബ് സൈറ്റില് നല്കിയിട്ടുള്ള ലിങ്ക് മുഖേന രജിസ്റ്റര് ചെയ്യണമെന്ന് ചീഫ് എക്സിക്യൂട്ടീവ് ഓഫീസര് അറിയിച്ചു. കൂടുതല് വിവരങ്ങള്ക്ക് ടോള് ഫ്രീ നമ്പറായ 1800-425-3939 ല് ബന്ധപ്പെടാവുന്നതാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ https://chat.whatsapp.com/DoTp5mITouhJcwHKcDKLsm എന്ന ലിങ്കിൽ ജോയിൻ ചെയ്യുക