January 02, 2022
January 02, 2022
തിരുവനന്തപുരം : രണ്ടു വര്ഷം വിദേശത്ത് ജോലി ചെയ്ത ശേഷം നാട്ടില് തിരിച്ചെത്തിയ പ്രവാസികള്ക്ക് നോര്ക്ക റൂട്ട്സ് നടപ്പാക്കുന്ന പ്രവാസി ഭദ്രത-മൈക്രോ സ്വയംതൊഴില് വായ്പ കേരള ബാങ്കു വഴിയും വിതരണം ചെയ്ത് തുടങ്ങി.ചെറുകിട സംരംഭങ്ങള് തുടങ്ങുന്നതിനാണ് നോര്ക്ക റൂട്ട്സ് പ്രവാസി ഭദ്രത-മൈക്രോ സ്വയംതൊഴില് വായ്പകൾ അനുവദിക്കുന്നത്. കേരള ബാങ്കിന്റെ 769 ശാഖകളിലൂടെ അഞ്ചു ലക്ഷം രൂപ വരെ വായ്പ ലഭ്യമാവുമെന്ന് നോര്ക്ക സി.ഇ.ഒ അറിയിച്ചു. ആരംഭിക്കുന്ന സംരംഭങ്ങളുടെ മാത്രം ഈടിന് മേലാണ് കേരളാ ബാങ്ക് വായ്പ വിതരണം ചെയ്യുന്നത്.ഇതിന് വിശദമായ പ്രോജക്റ്റ് റിപ്പോർട്ട് സമർപ്പിക്കണം.
രണ്ടു വര്ഷം വിദേശത്ത് ജോലി ചെയ്ത ശേഷം നാട്ടില് തിരിച്ചെത്തിയവര്ക്കാണ് വായ്പക്ക് അപേക്ഷിക്കാന് അര്ഹത. പദ്ധതി തുകയുടെ 25 ശതമാനം, പരമാവധി ഒരു ലക്ഷം രൂപ വരെ മൂലധന സബ്സിഡിയും ആദ്യ നാലു വര്ഷം മൂന്നു ശതമാനം പലിശ സബ്സിഡിയും ലഭിക്കുന്നുവെന്നതാണ് പദ്ധതിയുടെ പ്രധാന സവിശേഷതകള്. കൂടുതല് വിവരങ്ങള്ക്ക് തൊട്ടടുത്ത കേരള ബാങ്ക് ശാഖയിലോ നോര്ക്ക റൂട്ട്സിന്റെ 18004253939 എന്ന ടോള് ഫ്രീ നമ്പരിലോ ബന്ധപ്പെടാവുന്നതാണ്. കെ.എസ്.എഫ്.ഇ അടക്കമുള്ള ധനകാര്യ സ്ഥാപനങ്ങള് വഴി പ്രവാസി ഭദ്രത വായ്പകള് നല്കി വരുന്നുണ്ട്.
വിവരങ്ങൾക്ക് www.norkaroots.org എന്ന വെബ്സൈറ്റ് സന്ദര്ശിക്കാം. 1800 425 3939 എന്ന ടോള് ഫ്രീ നമ്പരിലും ബന്ധപ്പെടാവുന്നതാണ്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക