September 11, 2023
September 11, 2023
തിരുവനന്തപുരം: നഴ്സുമാര്ക്കും ഓപ്പറേഷൻ ഡിപ്പാര്ട്ടമെന്റ് പ്രാക്റ്റീഷണര്മാര്ക്കുമുള്ള നോര്ക്ക യു.കെ റിക്രൂട്ട്മെന്റ് ഡ്രൈവ്-ഒക്ടോബര് 10 മുതല് 21 വരെ നടക്കും.
യു.കെ യിലെ ആരോഗ്യമേഖലയില് നഴ്സുമാര്ക്കും ഓപ്പറേഷൻ ഡിപ്പാര്ട്ടമെന്റ് പ്രാക്റ്റീഷണര്മാര്ക്കും അവസരമൊരുക്കുന്ന നോര്ക്ക റൂട്ട്സ് റിക്രൂട്ട്മെന്റുകളിലേക്ക് ഇപ്പോള് അപേക്ഷിക്കാം. നഴ്സുമാര്ക്ക് എല്ലാ ദിവസവും യു.കെ യിലെ തൊഴില് ദാതാക്കളുമായി (വിവിധ എന്.എച്ച്.എസ്സ് ട്രസ്റ്റുകളുമായി) അഭിമുഖം സാധ്യമാക്കുന്ന നോര്ക്ക യു.കെ ടാലന്റ് മൊബിലിറ്റി ഡ്രൈവിലേക്കാണ് നഴ്സുമാര്ക്ക് അവസരം. ഇതോടൊപ്പം 2023 ഒക്ടോബറില് കൊച്ചിയിലും (10, 11, 13, 14, 20, 21 ) മംഗളൂരുവിലുമായി ( 17, 18) നടക്കുന്ന റിക്രൂട്ട്മെന്റ് ഡ്രൈവിലേക്കും നഴ്സിങ് പ്രൊഫഷണലുകള്ക്ക് അപേക്ഷിക്കാം.
നഴ്സിങിനു പുറമേ ഓപ്പറേഷൻ ഡിപ്പാര്ട്ടമെന്റ് പ്രാക്റ്റീഷണര്മാര്ക്കും (ഒ.ഡി.പി) ഒക്ടോബറില് നടക്കുന്ന റിക്രൂട്ട്മെന്റില് പങ്കെടുക്കാവുന്നതാണ്. നഴ്സുമാരുടെ അഭിമുഖം 2023 ഒക്ടോബര് 10, 11, 13, 14, 20, 21 തീയതികളില് കൊച്ചിയിലും, 17, 18 ന് മംഗളൂരുവിലും നടക്കും. ഓപ്പറേഷൻ ഡിപ്പാര്ട്ടമെന്റ് പ്രാക്റ്റീഷണര്മാരുടെ (ഒ.ഡി.പി) അഭിമുഖം ഒക്ടാബര് 14 ന് കൊച്ചിയിലാണ്.
നഴ്സിങില് ബിരുദമോ ഡിപ്ലോമയോ വിദ്യാഭ്യാസ യോഗ്യതയും, ഐ.ഇ.എല്.ടി.എസ്/ഒ.ഇ.ടി യു.കെ സ്കോറുമുളള ഉദ്യോഗാഥികള്ക്ക് അപേക്ഷിക്കാം. ഐ.ഇ.എല്.ടി.എസ്/ഒ.ഇ.ടി ഇല്ലാത്ത ഉദ്യോഗാര്ഥികള് തിരഞ്ഞെടുക്കപ്പെട്ടാല് കണ്ടീഷണല് ഓഫര് ലെറ്റര് നല്കുന്നതും ആറ് മാസത്തിനകം ഐ.ഇ.എല്.ടി.എസ്/ഒ.ഇ.ടി പാസാവേണ്ടതുമാണ്. ജനറല് മെഡിക്കല് ആൻഡ് സര്ജിക്കല് നഴ്സ്, എമര്ജന്സി തസ്തികകളിലേക്ക് കഴിഞ്ഞ മൂന്ന് വര്ഷത്തിനുള്ളില് കുറഞ്ഞത് ഒരു വര്ഷത്തെ പ്രവൃത്തി പരിചയവും തീയറ്റര് നഴ്സ് കഴിഞ്ഞ രണ്ട് വര്ഷത്തിനുള്ളില് കുറഞ്ഞത് ഒരു വര്ഷത്തെ പ്രവൃത്തി പരിചയം-മെന്റല് ഹെല്ത്ത് നഴ്സ് നഴ്സിങ് കൗണ്സില് രജിസ്ട്രേഷൻ കഴിഞ്ഞു സൈക്യാട്രി വാര്ഡില് കുറഞ്ഞത് ആറ് മാസത്തെ പ്രവൃത്തി പരിചയം ആണ് വേണ്ടത്.
ഓപ്പറേഷൻ ഡിപ്പാര്ട്ടമെന്റ് പ്രാക്റ്റീഷണര്മാര്
അനസ്തേഷ്യ ടെക്നോളജിസ്റ്റ് ബിരുദം (ബി.എസ്.സി) അല്ലെങ്കില് ഡിപ്ലോമ ഇൻ ഓപ്പറേഷൻ തിയറ്റര് ആൻഡ് അനസ്തേഷ്യ ടെക്നോളജിസ്റ്റോ വിദ്യാഭ്യാസ യോഗ്യതയും എച്ച്.സി.പി.സി രജിസ്ട്രേഷനും അപേക്ഷകര്ക്ക് ഉണ്ടായിരിക്കണം. കൂടാതെ ഒരു വര്ഷത്തെ പ്രവര്ത്തിപരിചയം (കറന്റ് എക്സ്പീരിയൻസ്- ഓപ്പറേഷൻ ഡിപ്പാര്ട്മെൻറ് ടെക്നിഷ്യൻ തസ്തികയില് ) ഉണ്ടായിരിക്കണം. ഇതോടൊപ്പം ഇംഗ്ലീഷ് ഭാഷാ പരിജ്ഞാനം തെളിയിക്കുന്ന ഐ.ഇ.എല്.ടി.എസ്/ഒ.ഇ.ടി യു.കെ സ്കോറും ഉളള ഉദ്യോഗാര്ത്ഥികള്ക്ക് മുന്ഗണന ലഭിക്കും. നിലവില് ഐ.ഇ.എല്.ടി.എസ്/ഒ.ഇ.ടി യു.കെ സ്കോര് നോടാത്തവര് തിരഞ്ഞെടുക്കപെടുകയാണെങ്കില് പിന്നീട് പ്രസ്തുത യോഗ്യത നേടേണ്ടതാണ്.
താത്പര്യമുള്ള ഉദ്യോഗാര്ത്ഥികള് uknhs.norka@kerala.gov.in എന്ന ഇമെയില് വിലാസത്തില് അവരുടെ ബയോഡാറ്റ, ഒ.ഇ.ടി/ഐ.ഇ.എല്.ടി.എസ് സ്കോര് കാര്ഡ് , യോഗ്യത തെളിയിക്കുന്ന സര്ട്ടിഫിക്കറ്റ്, പാസ്ര്ട്ടിന്റെ പകര്പ്പ്, എന്നിവ സഹിതം അപേക്ഷിക്കുക. ഷോര്ട്ലിസ്റ് ചെയ്യപ്പെടുന്ന ഉദ്യോഗാര്ത്ഥികളെ നോര്ക്ക റൂട്സില് നിന്നും ബന്ധപെടുന്നതായിരിക്കുമെന്ന് നോര്ക്ക റൂട്സ് ചീഫ് എക്സിക്യൂട്ടീവ് ഓഫീസര് അറിയിച്ചു.
സംശയനിവാരണത്തിന് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്ബറുകളായ 18004253939 (ഇന്ത്യയില് നിന്നും) +91 8802012345 വിദേശത്തു നിന്നും (മിസ്ഡ് കോള് സൗകര്യം) ബന്ധപ്പെടാവുന്നതാണ്. www.norkaroots.org, www.nifl.norkaroots.org എന്നീ വെബ്സൈറ്റുകളിലും വിവരങ്ങള് ലഭ്യമാണ്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G