September 08, 2023
September 08, 2023
കോട്ടയം : മുന് മുഖ്യമന്ത്രി ഉമ്മന് ചാണ്ടിയുടെ ഓര്മകള് നിറഞ്ഞുനില്ക്കുന്ന പുതുപ്പള്ളിയില് മകൻ ചാണ്ടി ഉമ്മൻ റെക്കോർഡ് ഭൂരിപക്ഷത്തിലേക്ക് കുതിക്കുന്നു. വോട്ടെണ്ണല് പത്ത് റൗണ്ടുകള് കടന്നപ്പോൾ ചാണ്ടി ഉമ്മന് ചരിത്രഭൂരിപക്ഷത്തിലേക്ക് കടക്കുകയാണെന്ന സൂചനകളാണ് ലഭിക്കുന്നത്. ചാണ്ടി ഉമ്മന്റെ ലീഡുകള് 38000 കടക്കുകയാണ്.
അതേസമയം പുതുപ്പള്ളിയില് മൂന്നാമങ്കത്തിലും പുതുപ്പള്ളി ജെയ്കിനെ തുണയ്ക്കാതിരിക്കുകയായിരുന്നു. സിപിഐഎം കോട്ടകളില് ഉള്പ്പെടെ ചാണ്ടി ഉമ്മന് ലീഡുയര്ത്തി. ജെയ്ക് പ്രതീക്ഷ വച്ച മണര്കാട് പോലും എല്ഡിഎഫിനെ കൈവിട്ടു. മണര്കാട് മുഴുവന് ബൂത്തുകളിലും ചാണ്ടി ഉമ്മന് തന്നെയാണ് ലീഡ് ചെയ്തത്.
ഇതോടെ 2019ലെ ഉമ്മന് ചാണ്ടിയുടെ ഭൂരിപക്ഷത്തേയും ചാണ്ടി ഉമ്മന് മറികടക്കുകയാണ്. ജയമുറപ്പിച്ചതോടെ ചാണ്ടി ഉമ്മന്റെ വീട്ടില് പായസവിതരണവും നടന്നു.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G