April 27, 2024
April 27, 2024
മക്ക: സൗദി അറേബ്യ ഈ സീസണിലെ ഹജ്ജ് രജിസ്‌ട്രേഷനുള്ള സമയപരിധി നിശ്ചയിച്ചു. ഇസ്ലാമിക ചാന്ദ്രമാസമായ ദുല്‍ഹജ്ജ് 7, ജൂണ്‍ 13 വരെ രജിസ്‌ട്രേഷന്‍ അനുവദിക്കുമെന്ന് സൗദി ഹജ്ജ്, ഉംറ മന്ത്രാലയം അറിയിച്ചു.
ഈ വര്‍ഷം ജൂണില്‍ ഹജ്ജ് നിര്‍വഹിക്കാന്‍ ആഗ്രഹിക്കുന്ന തീര്‍ത്ഥാടകര്‍ക്കായി ഫെബ്രുവരിയിലാണ് ഇ-രജിസ്‌ട്രേഷന്‍ ആരംഭിച്ചത്. ആഭ്യന്തര തീര്‍ഥാടകര്‍ക്ക് ഇക്കഴിഞ്ഞ ബുധനാഴ്ച മുതല്‍ ഹജ്ജ് പെര്‍മിറ്റുകളുടെ വിതരണം ആരംഭിച്ചു. 4,099 റിയാല്‍ മുതല്‍ 13,265 റിയാല്‍ വരെയുള്ള നാല് പാക്കേജുകളാണ് ഇത്തവണ തീര്‍ത്ഥാടകര്‍ക്കായി അവതരിപ്പിച്ചിട്ടുള്ളത്. പാക്കേജുകള്‍ക്ക് മൂന്ന് ഗഡുക്കളായി പണമടയ്ക്കാനുള്ള സൗകര്യവും ഒരുക്കിയതായി മന്ത്രാലയം വ്യക്തമാക്കി.
അതേസമയം അനധികൃത ഹജ്ജ് സേവനങ്ങള്‍ വാഗ്ദാനം ചെയ്യുന്ന വ്യാജ ഓപ്പറേറ്റര്‍മാര്‍, വ്യാജ വെബ്‌സൈറ്റുകള്‍ എന്നിവയെക്കുറിച്ച് മന്ത്രാലയം തീര്‍ത്ഥാടകര്‍ക്ക് മുന്നറിയിപ്പ് നല്‍കി. ഔദ്യോഗികവും അംഗീകൃതവുമായ ചാനലുകള്‍ വഴിയുള്ള വിവരങ്ങള്‍ മാത്രമേ സ്വീകരിക്കാവൂ എന്നും ജാഗ്രത പാലിക്കണമെന്നും അതോറിറ്റി അറിയിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
