October 19, 2023
October 19, 2023
കണ്ണൂര്: ഇസ്രയേല് പോലീസിന് യൂണിഫോം നിര്മിച്ച് നല്കുന്നത് നിര്ത്തിവെച്ച് കണ്ണൂരിലെ വസ്ത്ര നിര്മാണ കമ്പനിയായ മരിയന് അപ്പാരല്സ്. ഗസയില് സമാധാനം പുനഃസ്ഥാപിക്കുന്നതുവരെ ഇസ്രയേലില് നിന്നുള്ള ഓര്ഡറുകള് സ്വീകരിക്കില്ലെന്ന് കമ്പനി അധികൃതര് അറിയിച്ചു.
ഇസ്രയേല് പോലീസിന് 2015 മുതല് യൂണിഫോം നിര്മിച്ചു നല്കുന്നത് മരിയന് അപ്പാരല്സാണ്. ഗസയില് ആശുപത്രികള്ക്കും നിരപരാധികള്ക്കും നേരെ ആക്രമണം നടത്തുന്ന ഇസ്രയേല് സമീപനത്തോട് വിയോജിപ്പുള്ളതിനാലാണ് തീരുമാനമെന്ന് സ്ഥാപന അധികൃതര് അറിയിച്ചതായി വ്യവസായ വകുപ്പ് മന്ത്രി പി രാജീവ് ഫേസ്ബുക്കില് പോസ്റ്റ് ചെയ്ത കുറിപ്പില് വ്യക്തമാക്കി.
ഇസ്രയേല് പോലീസിന് പുറമെ ഫിലിപ്പിന് ആര്മി, ഖത്തര് എയര്ഫോഴ്സ്, ഖത്തര് പോലീസ്, ബ്രിട്ടീഷ് അമേരിക്കന് സെക്യൂരിറ്റി കമ്പനികള് എന്നിവര്ക്കെല്ലാം യൂണിഫോം നിര്മിച്ചു നല്കുന്നത് മരിയന് അപ്പാരല്സാണ്. മലയാളിയായ തോമസ് ഓലിക്കല് നേതൃത്വം നല്കുന്ന കമ്പനി 2008 മുതല് കണ്ണൂര് കൂത്തുപറമ്പിലെ നിര്മാണ യൂണിറ്റിലാണ് യൂണിഫോമുകളെല്ലാം നിര്മിക്കുന്നത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F