December 20, 2023
December 20, 2023
തിരുവനന്തപുരം: കേരളത്തില് കോവിഡിന്റെ ഉപവകഭേദമായ ജെ എന് വണ് സ്ഥിരീകരിച്ച പശ്ചാത്തലത്തില് മുന്കരുതലുകള് കര്ശനമാക്കാന് കേന്ദ്ര സര്ക്കാര് നിര്ദേശം നല്കി. രോഗം അതിവേഗം പടരുന്ന സാഹചര്യത്തില് രാജ്യവ്യാപകമായി ജാഗ്രത കര്ശനമാക്കാനാണ് കേന്ദ്രത്തിന്റെ നിര്ദേശം. മുന്കരുതന് നടപടികളില് വീഴ്ച പാടില്ല. നിരീക്ഷണം ശക്തമാക്കണമെന്നും കേന്ദ്ര ആരോഗ്യ മന്ത്രി മന്സുഖ് മാണ്ഡവ്യ വ്യക്തമാക്കി. മൂന്ന് മാസത്തിലൊരിക്കല് ആശുപത്രികളില് മോക് ഡ്രില് നടത്തണമെന്നും മന്ത്രി നിര്ദേശിച്ചു.
അതേസമയം കേരളത്തിന്റെ സ്ഥിതിഗതികള് നിയന്ത്രണവിധേയമാണെന്ന് സംസ്ഥാന ആരോഗ്യമന്ത്രാലയം വിലയിരുത്തി. കേന്ദ്ര സര്ക്കാരിന്റെ കണക്കുകള് പ്രകാരം കൂടുതല് കോവിഡ് കേസുകളും റിപ്പോര്ട്ട് ചെയ്യുന്നത് കേരളത്തിലാണ്. കഴിഞ്ഞദിവസം 292 പേര്ക്ക് കൂടി രോഗം സ്ഥിരീകരിച്ചതോടെ സംസ്ഥാനത്തെ ആകെ ആക്ടീവ് കേസുകളുടെ എണ്ണം 2041 ആയി ഉയര്ന്നു. ഇന്നലെ രണ്ട് മരണവും റിപ്പോര്ട്ട് ചെയ്തു.
അതിനിടെ ജെ എന് വണ് വകഭേദം ഗോവയിലും മഹാരാഷ്ട്രയിലും കണ്ടെത്തി. ഗോവ അന്താരാഷ്ട്ര ചലച്ചിത്രോത്സവത്തിന് ശേഷം നടത്തിയ പരിശോധനയില് 18 കേസുകളാണ് കണ്ടെത്തിയത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F