July 20, 2021
July 20, 2021
കോഴിക്കോട്: ടി.പി ചന്ദ്രശേഖരന്റെയും കെ.കെ രമ എം.എല്.എയുടെയും മകന് വധഭീഷണിക്കത്ത്. ആര്.എം.പി നേതാവ് എന്.വേണുവിനെയും വധിക്കുമെന്നും ഭീഷണിക്കത്തില് പറയുന്നു. മകന് അഭിനന്ദിനെ വളര്ത്തില്ലെന്നാണ് ഭീഷണിക്കത്തില് പറഞ്ഞിരിക്കുന്നത്. സംഭവത്തില് എന്.വേണു വടകര എസ്.പിക്ക് പരാതി നല്കി. പി.ജെ ആര്മിയുടെ പേരിലാണ് കത്ത്. അതേസമയം, പി ജെ ആര്മി എന്ന ഫേസ്ബുക്ക് ഗ്രൂപ്പുമായി ബന്ധമില്ലെന്ന് പി.ജയരാജന് നേരത്തെ തന്നെ വ്യക്തമാക്കിയിരുന്നു.
റെവല്യൂഷനറി മാര്ക്സിസ്റ്റ് പാര്ട്ടിയുടെ സ്ഥാപക നേതാവായിരുന്ന ടി.പി ചന്ദ്രശേഖന് 2012 മേയ് 4നാണ് കൊല്ലപ്പെട്ടത്. രാഷ്ട്രീയ വിയോജിപ്പുകളെത്തുടര്ന്ന് പാര്ട്ടി വിട്ട് 2009ല് റെവല്യൂഷണറി മാര്ക്സിസ്റ്റ് പാര്ട്ടി രൂപീകരിക്കുകയായിരുന്നു.വടകരയ്ക്കടുത്തുള്ള വള്ളിക്കാട് അക്രമികള് ടിപി ചന്ദ്രശേഖരനെ വെട്ടികൊലപ്പെടുത്തുകയായിരുന്നു.