July 14, 2022
July 14, 2022
തിരുവനന്തപുരം : കുരങ്ങുപനിയുടെ ലക്ഷണങ്ങളോടെ കേരളത്തിൽ എത്തിയ പ്രവാസി മലയാളിയിൽ രോഗം സ്ഥിരീകരിച്ചതായി ആരോഗ്യമന്ത്രി വീണാ ജോർജ് അറിയിച്ചു.ഈ മാസം12 ന് യു.എ.ഇയിൽ നിന്നും തിരുവനന്തപുരം വിമാനത്താവളത്തിലെത്തിയ കൊല്ലം ജില്ലയിൽ നിന്നുള്ള 35 കാരനിലാണ് രോഗം സ്ഥിരീകരിച്ചത്.രോഗലക്ഷണങ്ങൾ കണ്ടതിനാൽ ഇദ്ദേഹത്തെ നിരീക്ഷണത്തിലാക്കിയിരുന്നു.
പൂണെയിലെ വൈറോളജി ലാബിലേക്കയച്ച സാമ്പിൾ പരിശോധനാ ഫലം ഇന്ന് വൈകീട്ട് ലഭിച്ചതോടെയാണ് ഇയാളിൽ കുരങ്ങുപനി തന്നെയാണെന്ന് സ്ഥിരീകരിച്ചത്.വിമാനത്തിലുണ്ടായിരുന്ന പതിനൊന്നു പേർക്ക് രോഗിയുമായി നേരിട്ട് സമ്പർക്കമുണ്ടായതായും മന്ത്രി വ്യക്തമാക്കി.രോഗിയുടെ വീട്ടിലുള്ളവരെയും ഡ്രൈവറെയും നിരീക്ഷണത്തിലാക്കിയിട്ടുണ്ട്.
അതേസമയം,കുരങ്ങുപനി എന്നറിയപ്പെടുന്ന മങ്കി പോക്സ് അത്ര അപകടകരമല്ലെന്നാണ് ലോകാരോഗ്യ സംഘടന തന്നെ അറിയിച്ചിട്ടുണ്ട്.കൈകാലുകളിലും ശരീരത്തിന്റെ വിവിധ ഭാഗങ്ങളിലും ചിക്കൻ പോക്സിന് സമാനമായ തരത്തിൽ കുമിളകൾ പൊങ്ങി പൊട്ടുമെങ്കിലും ജീവൻ അപായപ്പെടുന്ന സാഹചര്യം വളരെ അപൂർവമാണ്.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക