November 01, 2021
November 01, 2021
കൊച്ചി : അടിക്കടി ഉണ്ടാവുന്ന പെട്രോൾ-ഡീസൽ വിലവർദ്ധനവിനെതിരെ കോൺഗ്രസ് നടത്തിയ പ്രതിഷേധസമരം സംഘർഷത്തിൽ കലാശിച്ചു. സമരത്തെ തുടർന്ന് ഗതാഗതകുരുക്ക് രൂപപ്പെട്ടതാണ് പ്രശ്നത്തിന് കാരണമായത്. രാവിലെ 11 മണി മുതൽ 1 മണി വരെ ഇടപ്പള്ളി വൈറ്റില ബൈപ്പാസിലാണ് സമരം നടന്നത്.
സമരത്തെ തുടർന്ന് ബ്ലോക്ക് രൂപപ്പെട്ടതോടെ ജോജു ജോർജ്ജ് സമരക്കാരോടുള്ള രോഷം പ്രകടിപ്പിക്കുകയായിരുന്നു. ഇതിൽ പ്രകോപിതരായ സമരാനുകൂലികൾ ജോജുവിന്റെ വാഹനം തല്ലിത്തകർത്തു. മദ്യലഹരിയിലായിരുന്നു ജോജുവെന്നും, വനിതാ പ്രവർത്തകരെ അടക്കം നടൻ ആക്ഷേപിച്ചെന്നും സുധാകരൻ അടക്കമുള്ള കോൺഗ്രസ് പ്രവർത്തകർ ആരോപിച്ചെങ്കിലും, ജോജു മദ്യപിച്ചിട്ടില്ലെന്നാണ് പരിശോധനാഫലം. ജീവിക്കാൻ അനുവദിക്കണമെന്ന അപേക്ഷയാണ് രാഷ്ട്രീയപാർട്ടികൾക്ക് മുന്നിൽ വെക്കാനുള്ളത് എന്നായിരുന്നു സംഭവത്തിൽ ജോജു ജോർജിന്റെ പ്രതികരണം.