December 06, 2019
December 06, 2019
കണ്ണൂർ : കണ്ണൂര് അന്താരാഷ്ട്ര വിമാനത്താവളത്തിന്റെ ഒന്നാം വാര്ഷികത്തോടനുബന്ധിച്ച് വിമാനത്താവള ടെര്മിനലില് നിന്ന് മട്ടന്നൂര്-കണ്ണൂര് മെയിന് റോഡിലേക്ക് പ്രത്യേക ബസുകളുടെ ഷട്ടില് സര്വ്വീസുകള് ആരംഭിക്കുന്നു. യാത്രക്കാര്ക്കും ജീവനക്കാര്ക്കും വിമാനത്താവള സന്ദര്ശകര്ക്കും ഈ സൗകര്യം ഉപയോഗപ്പെടുത്താനാവും. ടെര്മിനലില്നിന്ന് രണ്ടര കിലോമീറ്ററോളം ദൂരമുണ്ട് മെയിന് ഗേറ്റിലേക്ക്. കിയാലിന്റെ നിര്ദേശപ്രകാരം കാലിക്കറ്റ് ടൂര്സ് ആന്ഡ് ട്രാവല്സാണ് സര്വീസ് തുടങ്ങുന്നത്.
ബസ് ഷട്ടില് സര്വീസിന്റെ ഉദ്ഘാടനം ഡിസംബര് ഒന്പതിന് രാവിലെ 11-ന് ചലച്ചിത്ര നടന് നിവിന് പോളി നിര്വഹിക്കും. കിയാല് എം.ഡി. വി.തുളസീദാസ്, നടി ആത്മീയ, കാലിക്കറ്റ് ടൂര്സ് ആന്ഡ് ട്രാവല്സ് എം.ഡി. ഷൈജു നംബ്രോന് എന്നിവര് പങ്കെടുക്കും.
നേരത്തെ യാത്രക്കാര്ക്ക് അന്താരാഷ്ട്ര വിമാനതാവളത്തിന്റെ പുറത്തെ പ്രധാന റോഡിലേക്ക് വരുന്നതിനായി കാലിക്കറ്റ് ടൂര്സ് ആന്ഡ് ട്രാവല്സ് ഇലക്ട്രിക്ക് ഓട്ടോ സര്വിസ് തുടങ്ങിയിരുന്നു. ഇതു കൂടാതെ ടാക്സി വാഹനങ്ങളും ലഭ്യമാണ്. എന്നാല് യാത്രക്കാരുടെ തിരക്ക് കൂടിയതോടെയാണ് ഷട്ടിൽ ബസ് സർവീസുകൾ കൂടി ആരംഭിക്കുന്നത്.
10 രൂപയാണ് ടിക്കറ്റ് നിരക്ക്. വിമാനത്താവള ജീവനക്കാര്ക്ക് പ്രതിമാസം 250 രൂപയുടെ ടിക്കറ്റെടുക്കാം. പുലര്ച്ചെ അഞ്ചുമുതല് രാത്രി 11 വരെ സര്വീസുണ്ടാവും.