September 25, 2019
September 25, 2019
കോഴിക്കോട് : നോര്ക്ക റൂട്ട്സ് മേഖലാ ഓഫീസിന്റെ പുതിയ കെട്ടിടത്തിന്റെയും നോര്ക്ക റൂട്ട്സ് വഴിയുള്ള ഹോം അറ്റസ്റ്റേഷന് സേവനത്തിന്റെയും ഉദ്ഘാടനം തദ്ദേശ സ്വയംഭരണ വകുപ്പ് മന്ത്രി എ.സി. മൊയ്തീന് നിര്വഹിച്ചു.
ചടങ്ങില് മേയര് തോട്ടത്തില് രവീന്ദ്രന് അധ്യക്ഷത വഹിച്ചു.
കോഴിക്കോട് ലിങ്ക് റോഡിലെ വികാസ് ബിംല്ഡിംഗില് ഒന്നാം നിലയിലാണ് മികച്ച സൗകര്യങ്ങളോടെ പുതിയ മേഖലാ ഓഫീസ് പ്രവര്ത്തനം തുടങ്ങിയത്. അറ്റസ്റ്റേഷന് ഉള്പ്പെടെയുള്ള നോര്ക്കയുടെ എല്ലാ സേവനങ്ങളും ഇനി മുതൽ ഈ ഓഫീസില് നിന്നും ലഭിക്കും.ഇതോടൊപ്പം വിദ്യാഭ്യാസേതര സര്ട്ടിഫിക്കറ്റുകള്ക്കുള്ള ഹോം അറ്റസ്റ്റേഷന് സേവനവും ഇനി മുതല് പുതിയ കേന്ദ്രത്തിൽ ഉണ്ടാവും.
എം.കെ രാഘവന് എം.പി, നോര്ക്ക റൂട്ട്സ് റസിഡന്റ് വൈസ് ചെയര്മാന് കെ. വരദരാജന്, ജില്ലാ പഞ്ചായത്ത് പ്രസിഡന്റ് ബാബു പറശ്ശേരി, വാര്ഡ് കൗണ്സിലര് പി. എം. നിയാസ്, നോര്ക്ക വകുപ്പ് ജോയിന്റ് സെക്രട്ടറി കെ. ജനാര്ദ്ദനന്, പ്രവാസി ക്ഷേമനിധി ബോര്ഡ് ഡയറക്ടര് എന്. വി. ബാദുഷ കടലുണ്ടി, നോര്ക്ക റൂട്ട്സ് ജനറല് മാനേജര് ഡി. ജഗദീശ് തുടങ്ങിയവര് പങ്കെടുത്തു.