July 12, 2021
July 12, 2021
തിരുവനന്തപുരം:സംഗീത സംവിധായകന് മുരളി സിതാര എന്ന വി മുരളീധരന്(65) അന്തരിച്ചു.1987ല് തീക്കാറ്റ് എന്ന ചിത്രത്തിലെ 'ഒരുകോടിസ്വപ്നങ്ങളാല് ' മുരളി സിതാരയെന്ന സംഗീതസംവിധായകന്റെ ആദ്യ സിനിമാ ഗാനമാണ്. ഓലപ്പീലിയില് ഊഞ്ഞാലാടും, ഇല്ലിക്കാട്ടിലെ ചില്ലിമുളംകൂട്ടില്, ശാരദേന്ദു പൂചൊരിഞ്ഞ, സൗരയൂഥത്തിലെ സൗവര്ണ്ണഭൂമിയില്, അമ്പിളിപ്പൂവേ നീയുറങ്ങു തുടങ്ങിയവ അദ്ദേഹത്തിന്റെ സൂപ്പര്ഹിറ്റ് ഗാനങ്ങളാണ്. 1991ല് ആകാശവാണി തിരുവനന്തപുരം നിലയത്തില് എത്തിയതോടെ സിനിമയുമായുള്ള ബന്ധം അദ്ദേഹം ഉപേക്ഷിച്ചു. ആകാശവാണിയില് സീനിയര് മ്യൂസിക് കമ്പോസര് ആയിരുന്നു. ലളിതഗാനം, ഉദയഗീതം തുടങ്ങിയവകൂടാതെ വിവിധ പ്രോഗ്രാമുകള്ക്കായി പാട്ടുകളൊരുക്കി. ഒ.എന്.വിയുടെ എഴുതിരികത്തും നാളങ്ങളില് , കെ.ജയകുമാറിന്റെ കളഭമഴയില് ഉയിരുമുടലും,ശരത് വയലാറിന്റെ അംഗനേ ഉദയാംഗനേ തുടങ്ങിയ ശ്രദ്ധേയമായ ലളിതഗാനങ്ങളാണ്.മകന് മിഥുന്മുരളിയും കീബോര്ഡ് പ്രോഗ്രാമറാണ്.ഇന്നലെ ഉച്ചയ്ക്ക് ഒരുമണിയോടെ മുരളി മുറിയില് കയറി വാതില് അടയ്ക്കുകയായിരുന്നു. വൈകിട്ടോടെ മകന് എത്തി വാതില് ചവിട്ടി തുറന്നപ്പോള് ഫാനില് തൂങ്ങിമരിച്ച നിലയില് കണ്ടെത്തുകയായിരുന്നു. വട്ടിയൂര്ക്കാവ് തോപ്പുമുക്ക് അമ്പാടിയില് ഇന്നലെ വൈകിട്ട് 3നാണ് മൃതദേഹം കണ്ടത്.