March 30, 2020
March 30, 2020
ദോഹ : ഖത്തറിൽ മണി എക്സ്ചേഞ്ച് സ്ഥാപനങ്ങൾ അടച്ചുപൂട്ടിയ സാഹചര്യത്തിൽ ഓൺലൈൻ വഴി പണമയക്കുന്ന സംവിധാനങ്ങളെ കുറിച്ച് തൊഴിലാളികൾക്കിടയിൽ ബോധവത്കരണം നടത്തണമെന്ന് ഭരണ വികസന തൊഴിൽ സാമൂഹികകാര്യ മന്ത്രാലയം കമ്പനികളോട് ആവശ്യപ്പെട്ടു. കോവിഡ് പ്രതിരോധത്തിന്റെ ഭാഗമായി മാർച്ച് 26 മുതൽ എക്സ്ചേഞ്ച് ഹൗസുകൾ അടയ്ക്കാൻ സർക്കാർ ഉത്തരവിട്ട സാഹചര്യത്തിലാണ് കമ്പനികൾക്ക് ഇങ്ങനെയൊരു നിർദേശം നൽകിയത്.
നിരവധി ഭാഷകളിൽ ലഭ്യമായ ഓൺലൈൻ, മൊബൈൽ അപ്ലിക്കേഷനുകൾ വഴിയുള്ള സേവനങ്ങൾ തൊഴിലാളികളെ പഠിപ്പിക്കാനാണ് നിർദേശം. സേവനദാതാക്കൾ ഇതുമായി ബന്ധപ്പെട്ട സന്ദേശങ്ങൾ ഉപയോക്താക്കൾക്ക് അയക്കാൻ തുടങ്ങിയിട്ടുണ്ട്.ഐ.ഒ.എസ്,ആൻഡ്രോയിഡ് ഫോണുകളിൽ വിവിധ അപ്ലിക്കേഷനുകളിൽ ഇപ്പോൾ ട്രാൻസ്ഫർ നിരക്കുകൾ സൗജന്യമാണ്.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
