February 20, 2022
February 20, 2022
കോഴിക്കോട്: മൈക്രോ ഹെല്ത്ത് അക്കാഡമി ഫോർ ഹെല്ത്ത് എഡ്യുക്കേഷന് ആന്ഡ് റിസെര്ച്ച് (MAHER) പ്രവര്ത്തനം ആരംഭിച്ചു. പൊറ്റമ്മല് സൈന ആര്ക്കേഡില് കോഴിക്കോട് മേയര് ഡോ.ബീന ഫിലിപ്പ് ഉദ്ഘാടനം ചെയ്തു.
ഇന്ത്യയിലെയും, വിദേശങ്ങളിലെയും ഉന്നത ശ്രേണിയിലുള്ള സർവ്വകലാശാലകളുമായും, മറ്റ് വിദ്യാഭ്യാസ സ്ഥാപനങ്ങളുമായും അഫിലിയേറ്റ് ചെയ്ത് ആരോഗ്യ സംബന്ധമായ വിവിധതരം കോഴ്സുകൾ നടത്തുന്നതോടൊപ്പം, മെഡിക്കല് ഫ്രന്റ് ഓഫീസ്, ബേസിക്സ് ഓഫ് ഹെല്ത്ത് കെയര് റിസര്ച്ച്, ലാബ് മാനേജ്മെന്റ് മുതലായ മേഖലകളിൽ അഡ്വാന്സ്ഡ് സര്ട്ടിഫിക്കേഷന് കോഴ്സുകളും മഹെർ വഴി ലഭ്യമാവും. മെഡിക്കല് പ്രഫഷണല്സിനുള്ള സ്കില് ഡവലപ്മെന്റ്, ക്ലിനിക്കല് ഡവലപ്മെന്റ്, ഫ്ലബോട്ടമിസ്റ്റ് ട്രെയ്നിംഗ്, സൈറ്റോജനറ്റിക്സ്, മോളിക്കുലാര് ബയോളജി, ഹിസ്റ്റോപത്തോളജി തുടങ്ങിയ മറ്റു കോഴ്സുകളും മഹെറില് ആരംഭിക്കും.
മഹെര് അഡ്മിനിസ്ട്രേറ്റീവ് ഡയരക്റ്റര് റഫീഖ് കമ്രാന് അധ്യക്ഷനായിരുന്നു. മൈക്രോ ഹെല്ത്ത് ലബോറട്ടറീസ് ഡയരക്റ്റര് കെ.പി അബ്ദുല് ജമാല്, ഡയരക്ടർ ഓഫ് ഓപ്പറേഷൻസ് നജീബ് യൂസുഫ്, ഓപ്പറേഷൻസ് മാനേജർ ഷൈജു സി, സി.എഫ്.ഒ പി.ജി ശിവന്, അബ്ദുൽ ഗഫൂര്, ഡോ. എം. ഫവാസ് തുടങ്ങിയവര് ഉദ്ഘാടന ചടങ്ങില് സംസാരിച്ചു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക