April 06, 2021
April 06, 2021
തൃശൂർ : ജില്ലയിലെ ചേലക്കരയിൽ വോട്ട് ചെയ്യാനെത്തിയ വോട്ടർ മരിച്ചതായി പോളിംഗ് ഉദ്യോഗസ്ഥൻ.81 കാരനായ അബ്ദുൽ ബുഹാരിയാണ് പോളിംഗ് ഉദ്യോഗസ്ഥന്റെ പ്രതികരണത്തിന് മുന്നിൽ അന്ധാളിച്ചു നിന്നത്.രേഖകളില് മരിച്ചുപോയി എന്ന റിപ്പോര്ട്ട് ചൂണ്ടിക്കാട്ടിയാണ് പോളിങ് ഉദ്യോഗസ്ഥര് വോട്ടു ചെയ്യാനെത്തിയ അബ്ദുള് ബുഹാരി എന്ന വൃദ്ധനെ തടഞ്ഞത്.
ഉദ്യോഗസ്ഥരുടെ വാദം കേട്ട് അമ്ബരന്ന അബ്ദുള് ബുഹാരി, പോളിങ് ബൂത്തിന് മുന്നില് കുത്തിയിരുന്ന് പ്രതിഷേധിക്കുകയും ചെയ്തു.ചേലക്കര എസ്എംടി സ്കൂളില് 81 ബി ബ്ലോക്കില് വോട്ടു ചെയ്യാനെത്തിയ വയോധികനാണ് ദുരനുഭവം നേരിട്ടത്.
ചേലക്കര പഴയന്നൂരില് പനയാംപാടത്ത് മാധവന് എന്ന വയോധികനും വോട്ടു ചെയ്യാനായില്ല.ബൂത്തില് എത്തിയപ്പോള് ഇയാള് പോസ്റ്റല് വോട്ട് ചെയ്തതായി പ്രിസൈഡിങ് ഓഫീസര് അറിയിച്ചു. എന്നാല് പോസ്റ്റല് വോട്ട് ചെയ്തിട്ടില്ലെന്ന് ഇയാള് പറയുന്നു. ഇക്കാര്യം വ്യക്തമാക്കി പ്രിസൈഡിങ് ഓഫീസര്ക്ക് പരാതി നല്കുകയും ചെയ്തു.
ഇതുവരെ വോട്ടുമുടക്കിയിട്ടില്ല.. എങ്ങിനെയെങ്കിലും പോളിങ്ങ് ബൂത്തിലെത്തി തന്റെ സമ്മതിദാനവകാശം അബ്ദുള് ബുഹാരി നിര്വഹിക്കാറുണ്ടായിരുന്നു. അതേ സന്തോഷത്തോടെയാണ് ഈ 81 ാം വയസ്സിലും ഇത്തവണ അദ്ദേഹം പോളിങ്ങ് ബൂത്തിലെത്തിയത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന വാട്സ്ആപ് നമ്പറിൽ സന്ദേശമയക്കുക