November 19, 2021
November 19, 2021
കൊച്ചി : സ്വന്തം ചായക്കടയിൽ നിന്ന് കിട്ടുന്ന വരുമാനം കൊണ്ട് ലോകം ചുറ്റി ശ്രദ്ധേയനായ, കൊച്ചി ബാലാജി ഹോട്ടൽ ഉടമ കെആർ വിജയൻ അന്തരിച്ചു. 76 വയസായിരുന്നു. ഹൃദയാഘാതത്തെ തുടർന്ന് കൊച്ചിയിലെ ആശുപത്രിയിലായിരുന്നു അന്ത്യം. ജീവിതപങ്കാളി മോഹനയ്‌ക്കൊപ്പം മുപ്പതോളം രാജ്യങ്ങൾ വിജയൻ സന്ദർശിച്ചിട്ടുണ്ട്.
2007 ൽ ഈജിപ്തിലേക്കാണ് വിജയനും മോഹനയും തങ്ങളുടെ ആദ്യവിദേശയാത്ര നടത്തിയത്. ചായക്കടയിലെ സമ്പാദ്യവും, ചിട്ടി പിടിച്ചൊപ്പിച്ച പണവും ഉപയോഗിച്ച് ഇവരൊന്നിച്ച് വീണ്ടും പല തവണ അതിർത്തി കടന്നു. ഈ യാത്രകളെ സംബന്ധിച്ച വിവരങ്ങൾ സമൂഹമാധ്യമങ്ങളിൽ പ്രചരിച്ചതോടെയാണ് ദമ്പതികൾ പ്രശസ്തിയിലേക്കുയർന്നത്.
