November 03, 2021
November 03, 2021
ബസ് വെയ്റ്റിംഗ് ഷെഡിലേക്ക് ബസ് പാഞ്ഞുകയറി കുട്ടികളടക്കം ആറുപേർക്ക് പരിക്ക്. തിരുവനന്തപുരം ജില്ലയിലെ ആര്യനാട് ഈഞ്ചപുരിയിൽ ഇന്ന് രാവിലെ 9.15 നാണ് അപകടമുണ്ടായത്. നിയന്ത്രണം വിട്ട ബസ് കാത്തിരിപ്പ് കേന്ദ്രത്തിലുള്ളവരുടെ ദേഹത്തേക്ക് ഇടിച്ചുകയറുകയായിരുന്നു.
പരിക്കേറ്റവരിൽ അഞ്ചുകുട്ടികളും ഒരു മുതിർന്നയാളും ഉൾപ്പെടുന്നു. ഇതിൽ മുതിർന്നയാളുടെ നില ഗുരുതരമാണെന്നാണ് റിപ്പോർട്ടുകൾ. അപകടത്തിൽ വെയ്റ്റിംഗ് ഷെഡ് പൂർണമായും തകർന്നു. പരിക്കേറ്റവരെ ചികിത്സയ്ക്കായി തിരുവനന്തപുരം മെഡിക്കൽ കോളേജിൽ പ്രവേശിപ്പിച്ചിട്ടുണ്ട്.
