April 03, 2020
April 03, 2020
കോട്ടയം : കോവിഡ് 19 ബാധയെത്തുടര്ന്ന് കോട്ടയം മെഡിക്കല് കോളജില് ചികിത്സയിലായിരുന്ന വൃദ്ധ ദമ്പതികൾ രോഗം ഭേദമായി വീട്ടിലേക്ക് മടങ്ങി. ഇന്ന് വൈകുന്നേരമാണ് ഇവര് വീട്ടിലേക്ക് മടങ്ങിയത്.
ഇവരെ ചികിത്സിച്ച നഴ്സും രോഗം ഭേദമായി വീട്ടിലേക്ക് മടങ്ങി. ഇറ്റലിയില് നിന്ന് വന്ന സ്വന്തം കുടുംബാംഗങ്ങളില് നിന്നും രോഗം പിടിപെട്ട പത്തനംതിട്ട റാന്നി സ്വദേശികളായ തോമസ് (93) മറിയാമ്മ (88) ദമ്ബതികളാണ് കൊറോണ രോഗബാധയില് നിന്ന് മോചിതരായത്. സാധാരണഗതിയിൽ പ്രായമുള്ളവർക്ക് കോവിഡ് ബാധിച്ചാൽ സുഖപ്പെടാനുള്ള സാധ്യത വളരെ കുറവാണെന്നാണ് ലോകാരോഗ്യ സംഘടന വിലയിരുത്തുന്നത്. എന്നാൽ 90 ഉം 80 ഉം വയസ്സുള്ള വൃദ്ധ ദമ്പതികളെ സുഖപ്പെടുത്തിയതിലൂടെ കോവിഡ് ചികിത്സയിൽ കേരളം ലോകത്തിന് മാതൃകയാവുകയാണ്.
ഇവരെ ചികിൽസിച്ച നെഴ്സിനും കോവിഡ് ബാധിച്ചിരുന്നു. ഇവരും പൂർണമായും സുഖം പ്രാപിച്ചു. രോഗം ഭേദമായതിൽ സന്തോഷമെന്ന് നഴ്സ് രേഷ്മ മോഹൻദാസ് പറഞ്ഞു. രോഗികളെ മികച്ച രീതിയിലാണ് പരിചരിച്ചതെന്നും കോട്ടയം മെഡിക്കൽ കോളേജിലേത് മികച്ച ചികിത്സയാണെന്നും രേഷ്മ പറഞ്ഞു.. രോഗലക്ഷണം കണ്ടപ്പോഴെ ഐസൊലേഷനിലേക്ക് പോയി. കോട്ടയത്തെ വൃദ്ധ ദമ്പതികളെ പരിചരിച്ച നഴ്സാണ് രേഷ്മ മോഹൻദാസ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക.വാർത്തകളുമായി ബന്ധപ്പെട്ട സംശയങ്ങൾക്കും വിവരങ്ങൾക്കും - +974 44182807