December 31, 2021
December 31, 2021
തിരുവനന്തപുരം : മലയാളസിനിമാരംഗത്തെ പ്രശസ്ത നടൻ ജി.കെ പിള്ള നിര്യാതനായി. 97 വയസായിരുന്നു. തിരുവനന്തപുരത്തെ ഇടവയിലുള്ള സ്വനവസതിയിൽ വെച്ചായിരുന്നു അന്ത്യം. 1954 ൽ ഇറങ്ങിയ സ്നേഹസീമ എന്ന ചിത്രത്തിലൂടെ അരങ്ങേറിയ ജി.കെ, പ്രേം നസീറുമായുള്ള സൗഹൃദത്തിലൂടെയാണ് സിനിമാരംഗത്തേക്ക് കടന്നുവന്നത്. പന്ത്രണ്ട് വർഷത്തോളം സൈനികരംഗത്തും ജോലി ചെയ്തിട്ടുണ്ട്.
1924 ൽ തിരുവനന്തപുരം ജില്ലയിലെ ചിറയിൻകീഴിൽ ഗോവിന്ദപിള്ളയുടെയും സരസ്വതി അമ്മയുടെയും മകനായാണ് ജി. കേശവൻ പിള്ളയുടെ ജനനം. 325 മലയാളസിനിമകളുടെ ഭാഗമായ ജി.കെയെ, കാര്യസ്ഥൻ എന്ന സിനിമയിലൂടെയാണ് ഇന്നത്തെ തലമുറ ഓർമ്മിക്കുന്നത്. കുങ്കുമപ്പൂവ് എന്ന ടെലിവിഷൻ പരമ്പരയിലെ കഥാപാത്രവും ഏറെ ശ്രദ്ധ നേടി. വില്ലൻ വേഷങ്ങളിലൂടെ സിനിമകളിൽ നിറഞ്ഞ് നിന്ന ജി.കെ, 2005 ലാണ് സീരിയൽ രംഗത്തേക്ക് കടന്നുവന്നത്. അശ്വമേധം, ആരോമലുണ്ണി, ചൂള, ആനക്കളരി എന്നിവയാണ് പ്രധാനചിത്രങ്ങൾ.
ഭാര്യ : പരേതയായ ഉല്പലാക്ഷിഅമ്മ
മക്കൾ : പ്രതാപചന്ദ്രൻ, ശ്രീകല ആർ നായർ, ശ്രീലേഖ മോഹൻ, ശ്രീകുമാരി ബി പിള്ള, ചന്ദ്രമോഹൻ, പ്രിയദർശൻ.
