September 21, 2022
September 21, 2022
ന്യൂസ്റൂം ബ്യുറോ
ഒമാൻ: ഒമാനിൽ രണ്ടിടങ്ങളിലായി റോഡ് മുറിച്ചുകടക്കുന്നതിനിടെ വാഹനമിടിച്ച് രണ്ട് കാസർകോട് സ്വദേശികൾ മരിച്ചു. മസ്കത്തിലുണ്ടായ അപകടത്തിൽ കുമ്പള, ബത്തേരി റയില്വേ സ്റ്റേഷന് സമീപം താമസിക്കുന്ന മൊയ്തീന് കുഞ്ഞി ആണ് മരിച്ചത്. 57 വയസ്സായിരുന്നു. കഴിഞ്ഞ തിങ്കളാഴ്ച രാത്രിയിലായിരുന്നു അപകടം. മൃതദേഹം മോര്ച്ചറിയില് സൂക്ഷിച്ചിരിക്കുകയാണ്. അപകടം നടന്ന ശേഷം സഹപ്രവര്ത്തകര് എത്തിയാണ് ആളെ തിരിച്ചറിഞ്ഞത്.
ഒരുപാട് കാലമായി ഒമാനില് പ്രവാസിയായിരുന്നു. പരേതനായ പട്ടാമ്പി കുഞ്ഞഹമ്മദിന്റെ മകനാണ്. ഭാര്യ: റംല. മക്കള്: റാശിഥ്, റൈനാസ്. ഉദയ അബ്ദുര്റഹ്മാന്, ബീവി എന്നിവര് സഹോദരങ്ങളാണ്.
തിങ്കളാഴ്ച വൈകിട്ട് ബര്കയിലുണ്ടായ അപകടത്തില് മരിച്ചതും കാസർകോട് സ്വദേശിയാണ്. മഞ്ചേശ്വരം മജിബയിലെ നയിമുളി വീട്ടില് മുഹമ്മദ് ഇസ്മയിൽ ആണ് മരണപ്പെട്ടത് .65 വയസായിരുന്നു. ഇദ്ദേഹം റോഡ് മുറിച്ചു കടക്കുന്നതിന് ഇടയിൽ വാഹനം ഇടിക്കുകയായിരുന്നു.
പിതാവ്: മുഹമ്മദ് അബൂബക്കര്. മാതാവ്: ബീഫാത്തുമ്മ. ഭാര്യ: താഹിറ ബാനു. ഇസ്മയിലിന്റെ മൃതദേഹം റുസ്താഖ് ആശുപത്രിയില് സൂക്ഷിച്ചിരിക്കുകയാണ്. മരിച്ച രണ്ട് മലയാളികളുടേയും മൃതദേഹങ്ങൾ നടപടിക്രമങ്ങൾ പൂർത്തിയാക്കി നാട്ടിലേക്ക് കൊണ്ടുപോകും.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/JSu55PzLuSjIOAiVOpZz2i എന്ന ലിങ്കിൽ ജോയിൻ ചെയ്യുക
