Breaking News
സംസ്ഥാനത്തെ ഡ്രൈവിംഗ് ടെസ്റ്റ് പരിഷ്‌കരിച്ചു; എച്ച് ഒഴിവാക്കി | കുവൈത്തിൽ റെസിഡൻസി പെർമിറ്റ് പുതുക്കാൻ പ്രവാസിയിൽ നിന്ന് കൈക്കൂലി വാങ്ങിയ കുവൈത്ത് പൗരന് തടവും പിഴയും | ഖത്തറില്‍ ഹമദ് തുറമുഖത്ത് നിന്ന് വന്‍ നിരോധിത പുകയില ശേഖരം പിടികൂടി | ഒമാനില്‍ പ്രവാസി തൊഴിലിടങ്ങളില്‍ നിന്ന് ലഹരി പാനീയങ്ങള്‍ പിടികൂടി | ഖത്തറിൽ ഹൃദയാഘാതത്തെ തുടർന്ന് തൃശൂർ സ്വദേശി മരിച്ചു  | സൗദിയിൽ വീണ്ടും മെര്‍സ് വൈറസ് സ്ഥിരീകരിച്ചു | കുവൈത്തിൽ ബയോമെട്രിക് സംവിധാനത്തിന് മൂന്ന് മാസത്തെ സമയപരിധി അനുവദിച്ചു | മസ്‌കത്ത്​ - റിയാദ്​ ബസ്​ സർവീസ് ആരംഭിച്ചു  | ഒമാനിൽ ന്യൂമോണിയ ബാധിച്ച് ഒന്നാം ക്ലാസ് വിദ്യാർത്ഥിനി മരിച്ചു | യു.എ.ഇ ക്രിക്കറ്റ് ടീമി​ന്റെ പരിശീലകനാവാൻ മുൻ ഇന്ത്യൻ​ താരം |
രണ്ടാമത് വെസ്റ്റ് ഏഷ്യന്‍ വോളിബോള്‍ ക്ലബ് ചാമ്പ്യന്‍ഷിപ്പിന് ഒമാന്‍ ആതിഥേയത്വം വഹിക്കും

January 29, 2024

news_malayalam_sports_news_updates

January 29, 2024

ന്യൂസ്‌റൂം സ്പോർട്സ് ഡെസ്ക് 

മസ്‌കത്ത്: രണ്ടാമത് വെസ്റ്റ് ഏഷ്യന്‍ പുരുഷ വോളിബോള്‍ ക്ലബ്ബ് ചാമ്പ്യന്‍ഷിപ്പിന് ഒമാന്‍ വേദിയാകും. ഫെബ്രുവരി ഒന്ന് മുതല്‍ 12 വരെ സൊഹാറില്‍ മത്സരങ്ങള്‍ നടക്കും. ഒമാനില്‍ ഇതാദ്യമായാണ് ഒരു ക്ലബ്ബ് ഏഷ്യന്‍ ചാമ്പ്യന്‍ഷിപ്പിന് ആതിഥേയത്വം വഹിക്കുന്നത്. വെസ്റ്റ് ഏഷ്യന്‍ വോളിബോള്‍ ഫെഡറേഷനില്‍ അംഗങ്ങളായ എട്ട് അറബ് രാജ്യങ്ങളില്‍ നിന്നുള്ള 11 ക്ലബ്ബുകള്‍ ചാമ്പ്യന്‍ഷിപ്പില്‍ പങ്കെടുക്കും. 

ചാമ്പ്യന്‍ഷിപ്പിന് ആതിഥേയത്വം വഹിക്കാനുള്ള ഒരുക്കങ്ങള്‍ പൂര്‍ത്തിയായതായി സൊഹാര്‍ ക്ലബ്ബ് വാര്‍ത്താസമ്മേളനത്തില്‍ അറിയിച്ചു. സൊഹാര്‍ സ്‌പോര്‍ട്‌സ് കോപ്ലക്‌സിലെ പ്രധാന ഹാളിലായിരിക്കും മത്സരങ്ങള്‍ നടക്കുക. അതേസമയം മാജിസ് ക്ലബ്ബ്, അല്‍ സലാം ക്ലബ്ബ് എന്നീ ഹാളുകള്‍ ടീമുകളുടെ പരിശീലനങ്ങള്‍ക്കായി നിയോഗിക്കും. 

ചാമ്പ്യന്‍ഷിപ്പിനായി നേരത്തെ ടീമുകളെ രണ്ട് ഗ്രൂപ്പുകളായി തിരിച്ചിരുന്നു. 

ഗ്രൂപ്പ് 1 - അല്‍ റയ്യാന്‍ (ഖത്തര്‍), അല്‍ ഇബ്തിസാം (സൗദി അറേബ്യ), അല്‍ സീബ് (ഒമാന്‍), ബനിയാസ് ( യുഎഇ), അല്‍ ഖാദിസിയ (കുവൈത്ത്)

ഗ്രൂപ്പ് 2: ഖൈബല്‍ അല്‍ മഹ്‌റ (യെമന്‍), അല്‍ അറബി (ഖത്തര്‍), ഷബാബ് അല്‍ ഹുസൈന്‍ (ജോര്‍ദാന്‍), അല്‍ അഹ്‌ലി ( ബഹ്‌റൈന്‍), അല്‍ കുവൈത്ത് (കുവൈത്ത്), സോഹാര്‍ (ഒമാന്‍)

പങ്കെടുക്കുന്ന ടീമുകള്‍ ഓരോ ഗ്രൂപ്പിലും ഒരു റൗണ്ട് കളിക്കും. ഓരോ ഗ്രൂപ്പില്‍ നിന്നും നാല് ടീമുകള്‍ രണ്ടാം റൗണ്ടിലേക്ക് കടക്കും.

ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ 
ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക -  https://whatsapp.com/channel/0029Va9k1sH3rZZiZHLfLm0F


Latest Related News