Breaking News
ഖത്തറിലെ കോർണിഷ് റോഡ് നാളെ 8 മണിക്കൂർ അടച്ചിടും | അല്‍കോബാറിലെ ഡി.എച്ച്.എല്‍ കമ്പനി കെട്ടിടത്തിൽ തീപിടുത്തം | പെഷവാര്‍ വിമാനത്താവളത്തിൽ ലാൻഡിങ്ങിനിടെ സൗദിയ എയർലൈൻസിന് തീപിടിച്ചു; ആളപായമില്ല | ലോകത്തിലെ ഏറ്റവും മനോഹരമായ ലൈബ്രറികളുടെ പട്ടികയിൽ ഖത്തർ നാഷണൽ ലൈബ്രറി | സൗദി ജയിലിലുള്ള അബ്ദുൽറഹീമിന്റെ മോചനം ഏതു നിമിഷവുമുണ്ടാകാമെന്ന് അഭിഭാഷകൻ | ബഹ്റൈനിൽ ഹൃദയാഘാതത്തെ തുടർന്ന് കണ്ണൂർ സ്വദേശി മരിച്ചു | ഖത്തറിൽ മ​ത്സ്യ​സ​മ്പ​ത്ത് സം​ര​ക്ഷിക്കാൻ പുതിയ നിയന്ത്രണങ്ങൾ, മാർഗനിർദേശങ്ങളുമായി മുനിസിപ്പാലിറ്റി മ​ന്ത്രാ​ല​യം | ഖത്തറിൽ നഴ്‌സറി സ്‌കൂളുകളുടെ പ്രവർത്തനനം സംബന്ധിച്ച പുതിയ മാർഗനിർദേശങ്ങൾ പുറപ്പെടുവിച്ചു | ഒമാനിൽ മോഷണ കേസിൽ ഏഷ്യൻ വംശജൻ അറസ്റ്റിൽ | ഒമാനിലെ മൂന്ന് ഗവർണറേറ്റുകളിൽ ഇന്ന് ഒറ്റപ്പെട്ട മഴയ്ക്ക് സാധ്യത |
ഗൾഫിൽ ചൂട് കുതിച്ചുയരുന്നു,യു.എ.ഇയിൽ ഇന്നലെ രേഖപ്പെടുത്തിയത് 50 ഡിഗ്രിക്ക് മുകളിൽ

July 10, 2024

news_malayalam_weather_news_in_uae

July 10, 2024

ന്യൂസ്‌റൂം ബ്യുറോ

ദുബായ് / ദോഹ : ഗൾഫിലും അറേബ്യൻ രാജ്യങ്ങളിലും സമീപരാജ്യങ്ങളിലും ഈ ആഴ്‌ച അവസാനത്തോടെ ചൂട് 50 ഡിഗ്രി സെല്‍ഷ്യസാകുമെന്ന് മുന്നറിയിപ്പ്. യുഎഇയിൽ തുടർച്ചയായ രണ്ടാം ദിവസവും താപനില ഏറ്റവും ഉയർന്ന നിലയിലാണ്. ഇന്നലെ (ചൊവ്വ) സ്വീഹാനിൽ താപനില 50.8 ഡിഗ്രിയിൽ എത്തി. ദേശീയ കാലാവസ്ഥാ കേന്ദ്രം റിപോർട് പ്രകാരം പ്രാദേശിക സമയം ഉച്ചകഴിഞ്ഞ് 3.45 നാണ് ഇത് രേഖപ്പെടുത്തിയത്.

ബഹ്‌റൈൻ, ഇറാഖ്, കുവൈത്ത്, സൗദി അറേബ്യ, ഖത്തർ, യു.എ.ഇ എന്നിവിടങ്ങളിലെല്ലാം താപനില ഉയരും. ഇപ്പോള്‍തന്നെ ഉയർന്ന ചൂടാണ് പല രാജ്യങ്ങളിലും അനുഭവപ്പെടുന്നത്. ആഫ്രിക്കൻ മരുഭൂമിയില്‍നിന്ന് യൂറോപ്പിന്റെ വിവിധ ഭാഗങ്ങളിലേക്ക് മർദവ്യതിയാനത്തിന്റെ ഫലമായി ചൂടുള്ള വായു പിണ്ഡത്തിന്റെ പ്രവാഹമുണ്ടാകും.

ഇത് അറേബ്യൻ മേഖലയെയും ബാധിക്കും. അറേബ്യൻ രാജ്യങ്ങള്‍ ഈ ആഴ്‌ചാവസാനത്തോടെ ആഗോളതലത്തില്‍ രേഖപ്പെടുത്തിയ ഏറ്റവും ഉയർന്ന താപനിലയുടെ പട്ടികയില്‍ വീണ്ടും ഒന്നാമതെത്തുമെന്ന് പ്രതീക്ഷിക്കുന്നതായി കാലാവസ്ഥാ നിരീക്ഷകർ അഭിപ്രായപ്പെടുന്നു.

ബഹ്റൈനില്‍ വെള്ളിയാഴ്ചയോടെ താപനില 47 ഡിഗ്രി സെല്‍ഷ്യസിലേക്ക് ഉയരുമെന്ന് കാലാവസ്ഥാ ഡയറക്ടറേറ്റ് പ്രവചിക്കുന്നു. പകല്‍ സമയത്ത് നേരിട്ട് സൂര്യപ്രകാശം ഏല്‍ക്കാതിരിക്കാനും ജലാംശം നിലനിർത്താനും അറബ് കാലാവസ്ഥാ കേന്ദ്രം നിർദേശിക്കുന്നു.


Latest Related News