November 14, 2023
November 14, 2023
ദോഹ: ഗസയിൽ കൊല്ലപ്പെട്ട യുഎൻ പ്രവർത്തകർക്ക് അനുശോചനം അറിയിക്കാൻ ഇന്നലെ (തിങ്കളാഴ്ച) ലോകമെമ്പാടുമുള്ള ഐക്യരാഷ്ട്രസഭയുടെ (യുഎൻ) കെട്ടിടങ്ങളിൽ പതാകകൾ പകുതി താഴ്ത്തിക്കെട്ടി. ദോഹയിലെ യുഎൻ മിഷനുകളിലും ഓഫീസുകളിലും പതാകകൾ പകുതി താഴ്ത്തി. ലോകമെമ്പാടുമുള്ള യുഎൻ പ്രവർത്തകർ അനുശോചനത്തിൽ പങ്കുചേരുകയും, ഗസയിലെ നിരപരാധികളായ പുരുഷന്മാരുടെയും സ്ത്രീകളുടെയും കുട്ടികളുടെയും രക്തസാക്ഷിത്വത്തിൽ അനുതാപം പ്രകടിപ്പിക്കുകയും ചെയ്തു. ഗസയിലെ യുഎൻ ഡെവലപ്‌മെന്റ് പ്രോഗ്രാമിന്റെ ആസ്ഥാനത്ത് നടന്ന ബോംബാക്രമണത്തിൽ 101 യുഎൻ പ്രവർത്തകരാണ് കൊല്ലപ്പെട്ടത്.
അതേസയം, ഇസ്രായേൽ ഹമാസ് സംഘർഷം മുപ്പത്തി ഒൻപതാം ദിവസത്തിലേക്ക് കടക്കുമ്പോൾ മരണ സംഖ്യ 11,100 കടന്നിരിക്കുകയാണ്. 8,000-ത്തിലധികം കുട്ടികളും സ്ത്രീകളും ആക്രമണത്തിൽ കൊല്ലപ്പെട്ടെതായാണ് റിപ്പോർട്ട്. നിരവധി ആളുകൾ ഇപ്പോഴും അവശിഷ്ടങ്ങൾക്കടിയിൽ കുടുങ്ങിക്കിടക്കുകയാണ്. 35 ആശുപത്രികളിൽ 23 എണ്ണം പൂർണമായും പ്രവർത്തനരഹിതമാണ്. 72-ൽ 51 പ്രാഥമികാരോഗ്യ കേന്ദ്രങ്ങളും ബോംബ് സ്‌ഫോടനം മൂലമോ ഇന്ധനത്തിന്റെ അഭാവം മൂലമോ ഉണ്ടായ കേടുപാടുകൾ കാരണം പ്രവർത്തനരഹിതമായി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
