Breaking News
സംസ്ഥാനത്തെ ഡ്രൈവിംഗ് ടെസ്റ്റ് പരിഷ്‌കരിച്ചു; എച്ച് ഒഴിവാക്കി | കുവൈത്തിൽ റെസിഡൻസി പെർമിറ്റ് പുതുക്കാൻ പ്രവാസിയിൽ നിന്ന് കൈക്കൂലി വാങ്ങിയ കുവൈത്ത് പൗരന് തടവും പിഴയും | ഖത്തറില്‍ ഹമദ് തുറമുഖത്ത് നിന്ന് വന്‍ നിരോധിത പുകയില ശേഖരം പിടികൂടി | ഒമാനില്‍ പ്രവാസി തൊഴിലിടങ്ങളില്‍ നിന്ന് ലഹരി പാനീയങ്ങള്‍ പിടികൂടി | ഖത്തറിൽ ഹൃദയാഘാതത്തെ തുടർന്ന് തൃശൂർ സ്വദേശി മരിച്ചു  | സൗദിയിൽ വീണ്ടും മെര്‍സ് വൈറസ് സ്ഥിരീകരിച്ചു | കുവൈത്തിൽ ബയോമെട്രിക് സംവിധാനത്തിന് മൂന്ന് മാസത്തെ സമയപരിധി അനുവദിച്ചു | മസ്‌കത്ത്​ - റിയാദ്​ ബസ്​ സർവീസ് ആരംഭിച്ചു  | ഒമാനിൽ ന്യൂമോണിയ ബാധിച്ച് ഒന്നാം ക്ലാസ് വിദ്യാർത്ഥിനി മരിച്ചു | യു.എ.ഇ ക്രിക്കറ്റ് ടീമി​ന്റെ പരിശീലകനാവാൻ മുൻ ഇന്ത്യൻ​ താരം |
ഉത്തരഖണ്ഡ് രക്ഷാദൗത്യം വിജയം; ടണലില്‍ കുടുങ്ങിയ തൊഴിലാളികള്‍ പുറത്തേക്ക്

November 28, 2023

Malayalam_Qatar_News

November 28, 2023

ന്യൂസ്‌റൂം ബ്യുറോ

സില്‍ക്യാര: പതിനേഴ് ദിവസങ്ങള്‍ക്ക് ശേഷം ഉത്തരാഖണ്ഡ് ഉത്തരകാശിയിലെ ടണലില്‍ കുടുങ്ങിയ തൊഴിലാളികളെ രക്ഷപ്പെടുത്തി. വെല്ലുവിളികള്‍ നീണ്ട രക്ഷാദൗത്യമാണ് വിജയകരമായത്. ടണലില്‍ കുടുങ്ങിയ 41 തൊഴിലാളികളില്‍ നാല് പേരെ ടണലിന് പുറത്തെത്തിച്ചതായാണ് വിവരം. എല്ലാ തൊഴിലാളികളേയും പുറത്തെത്തിക്കാനുള്ള ദൗത്യം 4-5 മണിക്കൂര്‍ നീളുമെന്നാണ് സൂചന. ടണല്‍ നേരിട്ട് തുരന്നായിരുന്നു രക്ഷാപ്രവര്‍ത്തനം. ടണലിനുള്ളില്‍ പൈപ്പുകള്‍ സ്ഥാപിച്ച് തൊഴിലാളികളെ അതിലൂടെയാണ് രക്ഷപ്പെടുത്തുന്നത്. 

ഗോവണികളും സ്‌ട്രെക്ച്ചറുമായി എന്‍ഡിആര്‍എഫ് സംഘം ടണലിനുള്ളിലേക്ക് കയറിയാണ് തൊഴിലാളികളെ പുറത്തെത്തിക്കുന്നത് തൊഴിലാളികള്‍ക്കായി ആംബുലന്‍സുകള്‍ ഉള്‍പ്പെടെയുള്ള സജ്ജീകരണങ്ങള്‍ പുറത്ത് സജ്ജമാക്കിയിട്ടുണ്ട്. തൊഴിലാളികളുടെ ആരോഗ്യസ്ഥിതി പരിശോധിച്ച ശേഷമാകും വീട്ടിലേക്ക് വിടുക. ഗുരുതര ആരോഗ്യ പ്രശ്‌നങ്ങള്‍ ഉള്ളവരെ ആശുപത്രിയിലേക്ക് മാറ്റും. എയര്‍ലിഫ്റ്റിംഗിനുള്ള സംവിധാനവും ഒരുക്കിയിട്ടുണ്ട്. 

നവംബര്‍ 12 ന് പുലര്‍ച്ചെയാണ് ഉത്തരാഖണ്ഡിലെ ഉത്തരകാശിയില്‍ നിര്‍മാണത്തിലിരുന്ന സില്‍ക്യാര ടണല്‍ തകര്‍ന്ന് 41 തൊഴിലാളികള്‍ കുടുങ്ങിയത്.

ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt 
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക -  https://whatsapp.com/channel/0029Va9k1sH3rZZiZHLfLm0F


Latest Related News