May 19, 2024
May 19, 2024
ദോഹ: ഖത്തറിലെ മ്യൂസിയം ഓഫ് ഇസ്ലാമിക് ആർട്ടിൽ (എംഐഎ) 'ആർട്ട് ഫോർ പീസ്' എന്ന പേരിൽ തത്സമയ ചാരിറ്റി ലേലം സംഘടിപ്പിച്ചു. ഖത്തർ മ്യൂസിയംസ് (ക്യുഎം), അൽബാഹി ഓക്ഷൻ ഹൗസ്, ഖത്തർ റെഡ് ക്രസൻ്റ് സൊസൈറ്റി (ക്യുആർസിഎസ്) എന്നിവയുടെ സഹകരണത്തോടെയാണ് ലേലം സംഘടിപ്പിച്ചത്. ലേലത്തിൽ സമാഹരിച്ച ഫണ്ട് ഗസയ്ക്ക് വേണ്ടിയുള്ള സഹായത്തിനും പിന്തുണയ്ക്കുമായി ഉപയോഗിക്കും. ചരിത്രപരവും സാംസ്കാരികവുമായി പ്രാധാന്യമുള്ള വസ്തുക്കൾ സ്വന്തമാക്കാൻ ലേലത്തിൽ പങ്കെടുത്തവർക്ക് അവസരം ലഭിച്ചു.
"അൽബാഹി ലേല ഹൗസ്, ഖത്തർ റെഡ് ക്രസൻ്റ് സൊസൈറ്റി ഫോർ ആർട്ട് എന്നിവയുമായി സഹകരിച്ച് പ്രവർത്തിക്കാൻ കഴിഞ്ഞതിൽ ഞങ്ങൾ അഭിമാനിക്കുന്നു. കലയിലൂടെ പരസ്പര ധാരണ വളർത്തിയെടുക്കുന്നതിനുള്ള ഞങ്ങളുടെ പ്രതിബദ്ധതയെയാണ് ലേലം ഉദാഹരിക്കുകയും ഉയർത്തിക്കാട്ടുകയും ചെയ്യുന്നത്. നിരവധി പേർ ഇതിൽ പങ്കെടുക്കുന്നത് കാണുന്നതിൽ സന്തോഷമുണ്ട്. ഇതിലേക്ക് സംഭാവന ചെയ്യുന്ന കലാകാരന്മാർക്കും, അവരുടെ കലാസൃഷ്ടി വാങ്ങുകയും ചെയ്ത എല്ലാവരോടും ഞാൻ ആത്മാർത്ഥമായ നന്ദി അറിയിക്കുന്നു,"ഖത്തർ മ്യൂസിയം സിഇഒ മുഹമ്മദ് അൽ റുമൈഹി പറഞ്ഞു.
ഖത്തർ മ്യൂസിയങ്ങളുമായും അൽബാഹിയുമായും സഹകരിച്ച് ‘ആർട്ട് ഫോർ പീസ്’ പദ്ധതിയുടെ ഭാഗമാകാൻ കഴിഞ്ഞത് ക്യുആർസിഎസിന് അഭിമാനമാണെന്ന് ക്യുആർസിഎസ് സെക്രട്ടറി ജനറൽ ഫൈസൽ മുഹമ്മദ് അൽ ഇമാദിയും പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
