November 19, 2023
November 19, 2023
യുഎഇ: ദുബായിലെ വിവിധ ബസ് സര്‍വീസ് റൂട്ടുകളില്‍ മാറ്റം വരുത്തിയതായി റോഡ് ഗതാഗത അതോറിറ്റി അറിയിച്ചു. യാത്രക്കാര്‍ക്ക് തടസ്സമില്ലാത്ത യാത്ര ഉറപ്പുവരുത്താനാണ് പുതിയ മാറ്റം. പുതുക്കിയ ബസ് റൂട്ടുകള്‍ നാളെ മുതല്‍ നിലവില്‍ വരുമെന്നും റോഡ് ഗതാഗത അതോറിറ്റി വാര്‍ത്താകുറിപ്പില്‍ വ്യക്തമാക്കി.
യാത്രക്കാരുടെ സഞ്ചാരം കൂടുതല്‍ എളുപ്പത്തിലാക്കുന്നതിനായി ട്രാം, മെട്രോ, സമുഗ്ര ഗതാഗത സര്‍വീസുകളുമായി ബസ് റൂട്ടുകള്‍ ബന്ധിപ്പിക്കും. ചില ബസുകളുടെ പേരിലും ഘടനയിലും മാറ്റം വരുത്തിയിട്ടുണ്ടെന്നും അധികൃതര്‍ അറിയിച്ചു.
റൂട്ട് 11 എയുടെ പേര് റൂട്ട് 16 എ, 16 ബി എന്നും റൂട്ട് 20ന്റെ പേര് റൂട്ട് 20 എ, റൂട്ട് 20 ബി എന്നും റൂട്ട് 367 എന്നത് 36 എ, 36 ബി എന്നും മാറ്റി. ബസുകളുടെ റൂട്ടുകളിലും മാറ്റം വരുത്തിയിട്ടുണ്ട്. 29,61,26 റൂട്ടുകള്‍ കടന്നുപോകുന്ന മെട്രോ മാക്‌സ് സ്‌റ്റോപ്പ് അല്‍ ജഫിലിയയിലേക്ക് മാറ്റിയിട്ടുണ്ട്. റൂട്ടുകളില്‍ മാറ്റം വരുത്തിയത് യാത്രക്കാര്‍ക്ക് ഗുണകരമാകുമെന്നാണ് വിലയിരുത്തല്‍.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
