NewsRoomme, Latest Malayalam Qatar News Online From Newsroomme.com. Get Latest Malayalam Audio News on your mobile

Breaking News

ഖത്തറിലെ പ്രമുഖ സ്വകാര്യ സ്ഥാപനത്തിൽ ഈ തസ്തികകളിൽ ജോലിക്കായി അപേക്ഷിക്കാം | നോമ്പിന്റെ സ്നേഹ സന്ദേശം കൈമാറാൻ അവർ ഒത്തുകൂടി, മാമോക് ഖത്തർ ഇഫ്താർ സംഗമം ശ്രദ്ധേയമായി | ഖത്തറിൽ എച്ച്ആർ & അഡ്മിൻ കോർഡിനേറ്റർ ജോലി ഒഴിവ്,ഇപ്പോൾ അപേക്ഷിക്കാം | തൃശൂർ അന്തിക്കാട് സ്വദേശിയായ യുവാവ് ഒമാനിൽ നിര്യാതനായി | അമേരിക്കയിൽ ആഞ്ഞടിച്ച ചുഴലിക്കാറ്റിൽ 33 മരണം,കനത്ത നാശനഷ്ടം | ഖത്തറിലെ സ്വകാര്യ ആരോഗ്യമേഖലയിൽ വനിതാ HR ജോലി ഒഴിവ് | ഖത്തറിലെ പ്ലാസ്റ്റിക് കമ്പനിയിൽ സെയിൽസ് എക്സിക്യൂട്ടീവ് ജോലി ഒഴിവ് | ഇസ്‌ലാമിനെ അടുത്തറിയാം,'ഫത്‌വാടോക്ക്' സേവനവുമായി ഖത്തർ മതകാര്യ മന്ത്രാലയം | ലോകകപ്പ് യോഗ്യതാ മത്സരത്തിൽ ഖത്തറും ഉത്തര കൊറിയയും നേർക്കുനേർ,ടിക്കറ്റ് വിൽപന തുടങ്ങി | കെ.കെ കൊച്ചിന്റെ വിയോഗത്തിലൂടെ കേരളത്തിന് നഷ്ടമായത് സർഗാത്മക ദലിത് പോരാളിയെ: ഖത്തർ പ്രവാസി വെൽഫെയർ |

അബുദാബിയിൽ ചെറിയ അപകടങ്ങൾ അറിയിക്കാൻ സായിദ് സ്മാർട്ട് ആപ്പ്

July 28, 2024

ന്യൂസ്‌റൂം ബ്യുറോ

അബുദാബി: അബുദാബിയിൽ ചെറിയ അപകടങ്ങളെക്കുറിച്ച് സായിദ് സ്മാർട്ട് ആപ്ലിക്കേഷനിലൂടെ അറിയിച്ചാൽ മതിയെന്നും എമർജൻസി നമ്പറായ 999ൽ വിളിക്കേണ്ടതില്ലെന്നും അബുദാബി പൊലീസ് ജനറൽ കമാൻഡും സായിദ് ട്രാഫിക് സിസ്റ്റംസ് കമ്പനിയും ആവശ്യപ്പെട്ടു. ആഗസ്റ്റ് ഒന്ന് മുതൽ സ്മാർട്ട് ആപ്ലിക്കേഷൻ പ്രവർത്തനസജ്ജമാവും. അപകടമുണ്ടായാൽ വാഹനം റോഡിൽ നിന്നും സുരക്ഷിതമായ സ്ഥലത്തേക്ക് മാറ്റിയിടണമെന്നും, ഗതാഗതം തടസ്സപ്പെടുത്തരുതെന്നും അധികൃതർ മുന്നറിയിപ്പ് നൽകി.

കാരണമില്ലാതെ വാഹനം നടുറോഡിൽ നിർത്തരുതെന്നും ഇത്തരം നിയമലംഘനങ്ങൾക്ക് 1000 ദിർഹം പിഴയും ആറ് ബ്ലാക്ക് പോയിന്റും ലഭിക്കുമെന്നും അധികൃതർ മുന്നറിയിപ്പ് നൽകി. ചെറിയ അപകടമാണെങ്കിൽ ഡ്രൈവർമാർ ആപ്പിലൂടെ നേരിട്ട് റിപോർട്ട് ചെയ്യുന്നതിന് ചെറിയ നടപടിക്രമങ്ങൾ മാത്രമാണ് പാലിക്കേണ്ടത്. അപകടമുണ്ടായ സ്ഥലം ആപ്പിലെ മാപ്പ് ഉപയോഗിച്ച് പിൻ ചെയ്യാവുന്നതും അപകടത്തെക്കുറിച്ചും അതുമൂലമുണ്ടായ കേടുപാടുകളെക്കുറിച്ചും റിപോർട്ട് ചെയ്യാനാവും. ഇതിന് ശേഷം അപകടം റിപോർട്ട് ചെയ്തതിന്റെ കൺഫർമേഷൻ യൂസർക്ക് ലഭിക്കും.

മേയ് മാസത്തിൽ ഷാർജയിലും ചെറു അപകടങ്ങൾ റിപോർട്ട് ചെയ്യാൻ പ്രത്യേക നമ്പർ സംവിധാനം ഏർപ്പെടുത്തിയിരുന്നു. ഷാർജ സർക്കാറിന്റെ നിക്ഷേപ വിഭാഗമായ ഷാർജ അസിസ്റ്റന്റ് മാനേജ്മെന്റിന് കീഴിലുള്ള കമ്പനികളിലൊന്നായ റാഫിദ് ഓട്ടോമോട്ടീവ് സൊലൂഷൻസ് ആണ് 80092 എന്ന നമ്പർ പുറത്തുവിട്ടത്. കഴിഞ്ഞ വർഷം ദുബായിലും ചെറു അപകടങ്ങൾ റിപോർട്ട് ചെയ്യാനായി പ്രത്യേക പൊലീസ് ആപ്പ് പുറത്തുവിട്ടിരുന്നു.

ആപ്പ് എങ്ങനെ ഉപയോഗിക്കാം:

ആപ്പ് തുറന്ന് ആക്സിഡന്റ് റിപോർട്ട് സർവീസ് തിരഞ്ഞെടുക്കുക. ഫോൺ നമ്പർ നൽകുക. ഇതിലൂടെ ആപ്പ് ഓട്ടോമാറ്റിക് ആയി അപകടസ്ഥലം കണ്ടെത്തും. എന്തു തരം അപകടമാണ് എന്ന് വ്യക്തമാക്കുക. കാറിന്റെ രേഖകളുടെ പകർപ്പ് അപ് ലോഡ് ചെയ്യുക. കാർ ഡ്രൈവറുടെ ലൈസൻസ് അപ് ലോഡ് ചെയ്യുക. വാഹനത്തിന്റെയും കേടുപാടിന്റെയും ഫോട്ടോ അപ് ലോഡ് ചെയ്യുക. അപകടമുണ്ടാക്കിയ മറ്റ് വാഹനത്തിന്റെയും കേടുപാടിന്റെയും ഫോട്ടോ അപ് ലോഡ് ചെയ്യുക. അപകടത്തിന് ഇരയായ ആളുടെയും അപകടമുണ്ടാക്കിയ ആളുടെയും വാഹനങ്ങളുടെയും വിശദാംശങ്ങൾ നൽകുക. എല്ലാം പൂർത്തിയായാൽ ഓകെ ബട്ടണമർത്തുക. ഇതിന് ശേഷം ഡ്രൈവർക്ക് ഒരു അപേക്ഷ നമ്പർ ലഭിക്കും.