April 27, 2024
April 27, 2024
തിരുവനന്തപുരം: കേരളത്തിലെ നക്സൽ ബാരി പ്രസ്ഥാനത്തിലെ നക്സലൈറ്റ് പ്രസ്ഥാന നേതാവ് കുന്നേൽ കൃഷ്ണൻ ( 85) അന്തരിച്ചു. മാനന്തവാടി വാളാട് സ്വദേശിയാണ്. തിരുവനന്തപുരത്ത് ആർസിസിയിൽ അർബുദത്തിന് ചികിത്സയിലായിരുന്നു. ഇന്ന് (ശനിയാഴ്ച) ഉച്ചക്ക് 1.15 ഓടെയാണ് അന്ത്യം.
1948ലാണ് കൃഷ്ണൻ തൊടുപുഴയിൽ നിന്ന് വയനാട്ടിലെ വാളാട് എത്തുന്നത്. ഹൈസ്കൂൾ പഠനകാലത്ത് കെഎസ്എഫിൽ ചേർന്ന് നക്സലൈറ്റ് വർഗീസിനൊപ്പം പ്രവർത്തിച്ചു. തുടർന്ന് കമ്മ്യൂണിസ്റ്റ് പാർട്ടിയിലും മാർക്സിസ്റ്റ് പാർട്ടിയിലും അംഗമായി. കായണ്ണ പൊലീസ് സ്റ്റേഷൻ ആക്രമണം, കേണിച്ചിറ മഠത്തിൽ മത്തായി കൊലക്കേസ് അടക്കം നിരവധി ജന്മിമാരെ ആക്രമിച്ച കേസിലെ പ്രതിയാണ്. പിടിയിലായപ്പോൾ കക്കയം ക്യാമ്പിൽ അതിക്രൂരമായ പൊലീസ് പീഡനത്തിന് ഇരയായിട്ടുണ്ട്. മരിക്കും വരെ നക്സലൈറ്റ് ആശയങ്ങളിൽ അടിയുറച്ചു നിന്നിരുന്ന വ്യക്തിയാണ് കുന്നേൽ കൃഷ്ണൻ.
ഭാര്യ: കനക. മക്കൾ: അജിത് കുമാർ (കെ.എസ്.ആർ.ടി.സി കാസർകോട്), അനൂപ് കുമാർ (ബംഗളൂരു), അനിഷ്യ അരുൺകുമാർ (മൈസൂർ), അനീഷ് കുമാർ (സൗദി). മരുമക്കൾ: ബിന്ദു, ഹർഷ (നേഴ്സ്, ബംഗളൂരു) ചാർളി ചാക്കോ (ചെന്നൈ), സൗപർണിക, അബ്ജു (എറണാകുളം). സംസ്ക്കാരം നാളെ (ഞായറാഴ്ച) വൈകീട്ട് അഞ്ചിന് വാളാട് വീട്ടിൽ നടക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
