Breaking News
ഖത്തറിലെ കോർണിഷ് റോഡ് നാളെ 8 മണിക്കൂർ അടച്ചിടും | അല്‍കോബാറിലെ ഡി.എച്ച്.എല്‍ കമ്പനി കെട്ടിടത്തിൽ തീപിടുത്തം | പെഷവാര്‍ വിമാനത്താവളത്തിൽ ലാൻഡിങ്ങിനിടെ സൗദിയ എയർലൈൻസിന് തീപിടിച്ചു; ആളപായമില്ല | ലോകത്തിലെ ഏറ്റവും മനോഹരമായ ലൈബ്രറികളുടെ പട്ടികയിൽ ഖത്തർ നാഷണൽ ലൈബ്രറി | സൗദി ജയിലിലുള്ള അബ്ദുൽറഹീമിന്റെ മോചനം ഏതു നിമിഷവുമുണ്ടാകാമെന്ന് അഭിഭാഷകൻ | ബഹ്റൈനിൽ ഹൃദയാഘാതത്തെ തുടർന്ന് കണ്ണൂർ സ്വദേശി മരിച്ചു | ഖത്തറിൽ മ​ത്സ്യ​സ​മ്പ​ത്ത് സം​ര​ക്ഷിക്കാൻ പുതിയ നിയന്ത്രണങ്ങൾ, മാർഗനിർദേശങ്ങളുമായി മുനിസിപ്പാലിറ്റി മ​ന്ത്രാ​ല​യം | ഖത്തറിൽ നഴ്‌സറി സ്‌കൂളുകളുടെ പ്രവർത്തനനം സംബന്ധിച്ച പുതിയ മാർഗനിർദേശങ്ങൾ പുറപ്പെടുവിച്ചു | ഒമാനിൽ മോഷണ കേസിൽ ഏഷ്യൻ വംശജൻ അറസ്റ്റിൽ | ഒമാനിലെ മൂന്ന് ഗവർണറേറ്റുകളിൽ ഇന്ന് ഒറ്റപ്പെട്ട മഴയ്ക്ക് സാധ്യത |
പാർലമെന്റിൽ ഇനി ബി.ജെ.പിയെ പിന്തുണക്കില്ല,ശക്തമായ പ്രതിപക്ഷമാകണമെന്ന് നവീൻ പട്നായിക് 

June 25, 2024

June 25, 2024

ന്യൂസ്‌റൂം ബ്യുറോ

പാര്‍ലമെന്റില്‍ ഇനി ബിജെപിയെ പിന്തുണയ്ക്കില്ലെന്ന് ബിജെഡി നേതാവും മുന്‍ ഒഡീഷ മുഖ്യമന്ത്രിയുമായ നവീന്‍ പട്‌നായിക്. പാര്‍ലമെന്റിന്റെ ഉപരിസഭയില്‍ ശക്തമായ പ്രതിപക്ഷമാകണമെന്ന് അദേഹം എംപിമാര്‍ക്ക് ഉപദേശം നല്‍കി.

പാര്‍ട്ടിയുടെ ഒമ്പത് രാജ്യസഭാ എം.പിമാരുമായി നടത്തിയ കൂടിക്കാഴ്ചയിലാണ് അദേഹം ഇക്കാര്യം പറഞ്ഞത്. ഒഡീഷയ്ക്ക് പ്രത്യേക പദവിയെന്ന ആവശ്യത്തിന് പുറമെ മറ്റ് പ്രശ്‌നങ്ങളും എം.പിമാര്‍ ഉന്നയിക്കുമെന്നും എംപിമാര്‍ പറഞ്ഞു. ഇത്രയും നാളും ബിജെപിയെ പുറത്തുനിന്ന് ബിജെഡി പിന്തുണച്ചിരുന്നു. എന്നാല്‍, ഇക്കുറി ഒഡീഷയില്‍ ബിജെപിയും ബിജെഡിയും നേര്‍ക്കുനേര്‍ ഏറ്റുമുട്ടുകയും ബിജെഡി ദയനീയമായി പരാജയപ്പെടുകയും ചെയ്തിരുന്നു.

24 വര്‍ഷത്തെ ബിജെഡി ഭരണത്തിനാണ് 2024ലെ തെരഞ്ഞെടുപ്പ് അവസാനം കുറിച്ചത്. 1997ലാണ് ബിജെഡി സംസ്ഥാനത്ത് ഭരണം പിടിക്കുന്നത്.

147 അംഗ നിയമസഭയില്‍ നിയമസഭ തെരഞ്ഞെടുപ്പില്‍ 78 സീറ്റ് നേടിയാണ് ബിജെപി ഒഡിഷയില്‍ ഭരണം പിടിച്ചത്. ബിജെഡിക്ക് 51 സീറ്റുകള്‍ മാത്രമേ നേടാനെ ആയുള്ളൂ. കോണ്‍ഗ്രസ് 14 സീറ്റുകള്‍ പിടിച്ചു. 74 സീറ്റാണ് സര്‍ക്കാര്‍ രൂപീകരിക്കാനുള്ള കേവല ഭൂരിപക്ഷം.

ലോക്‌സഭ തിരഞ്ഞെടുപ്പില്‍ സംസ്ഥാനത്തെ 21 സീറ്റില്‍ 20ഉം ബിജെപി ജയിച്ചിരുന്നു. ബിജെഡിക്ക് ഒറ്റസീറ്റില്‍ പോലും വിജയം നേടാനായില്ല. ഒരു സീറ്റില്‍ വിജയിച്ചത് കോണ്‍ഗ്രസ് സ്ഥാനാര്‍ത്ഥിയായിരുന്നു.


Latest Related News